[ashrafnassr]

المشاركة الأصلية كتبت بواسطة منال شادى

شكرا جزيلا
اغتقد اته يحتاج تأمل اثناء قراءته

تأمل ايه ؟؟؟؟ هى رياضة اليوجا؟؟؟؟؟؟
ده قانون وافق عليه المجلس الموقر و اقرة البرلمان المبجل يعنى اللايحة التنفيذية ماهى الا تحصيل حاصل و بعدين مين اللى وافق ع القانون مش الناس اللى انتم انتخبتوهم يمثلكوا فى البرلمان و يمثلوا عليكم فى دوايركم و مربعاتكم و مثلثاتكم الانتخابيه
وبعدين المدرس الواثق من نفسه مايخافش من اى مدرس اجنبى ياخد مكانه ولو كان جاى من جمهوريه شنبنجو
شفتم الحكومه عملت القانون وفيه الامتحان ليه؟ عشان ترفع مستواكم و تقدروا تنافسوا مدرسين شنبنجو يعنى كله لمصلحتكم
وانتم لا بتقدروا تعب الحكومه عشانكم و لاسهرها على مصالحكم
ياربى لو الحكومه دى فى بلد كلها قطط تاكل وتنكر كانت اتعاملت احسن من كده ......... بجد انتم شعب فرعون وخساره فيكم الحكومه دى
وبعدين اتفاقيات التجاره الحره و الجات بتقول كده المليان يكب فى الفاضى زى بنك الطعام (عشنا وشفنا بنك عشان الناس تاكل - مجرد تاكل - مش تعيش و تتنغنغ زى الدول اللى فيها حراميه بالهبل بيسرقوا خيرها و يصرفوا ملاليم على شعوبها تخليهم يعيشوا فى نغنغه ) وسموها جات عشان نقول عليها جاتنا ستين نيله
على فكره احنا فى مصر للى لسه ما يعرفش هههههههههه