أنا عن نفسي دخلت الامتحان وفي نيتي لوفي تساهل في المراقبة واللجان حأستغله وفعلاً دخلت اللجنة وكان ىفي في القاعة اللي أنا فيها 3 نماذج اختبار نموذجين مع كل الزملاء والمراقب قال كل مجموعة معاها نفس الكود تقعد مع بعضها وتظبط نفسها ودخلت أنا متأخر ربع ساعة لقيت النموذج الثالث اللي فاضل مع الملاحظ فيه ورقتين بس أخدت واحدة وزميلة فاضلة كبيرة جداً في السن أخدت التانية وسألت الزملاء لقيت أننا الاثنين أنا وهي فقط اللي معانا نفس الامتحان قلت في بالي كده أنت بتلعب في الوقت الضايع توكلت علي الله وقعدت في ركن بعيد هادي لوحدي واعتمدت على الله وبدأت حل الأسئلة بتأني وتركيز وخدت على نفسي عهد السؤال أقرأه مرة واحدة وأجاوبه وما أرجعش ليه تاني عشان ما أتوترش ولله الحمد خلصت في ساعةواحدة بالظبط وسلمت الورقة وما بصيتش ورايا والزملاء ندهوا عليا عشان أقعد عشان يراجعولي ولكنني خدت قراري ومشيت ولله الحمد نجحت وععد كبير منهم لم يوفق لدرجة أن موجهين من اللي بيزوروني كانوا معايا ووفقوش لما النتيجة طلعت وافتكروا موقفي كانوا هيتجننوا والحمد لله في الأولى وفي الأخرة
ومن يتوكل على الله فهو حسبه
|