بص يا بت انتى وهدى نفسك كده وركزرى شويه
فى حاجات الانسان مش بيكون مخير فيها زى مثلا الوطن اللى اتولد فيه والشعب اللى نشا بينه او مثلا والديه والبيئه اللى احاطت بطفولته ونوع تربيته
وبرضه الانسان مكنش مخير من ناحية جنسه ذكر ولا انثى ولم يكن مخير من جهة شكله ولا لونه وطوله وقصره ودرجة ذكائه
ولكن اكيد ان الانسان من ناحية تصرفاته واعماله فهو بلا شك مخير
لان لو كان الانسان مسير ولا يملك حريه ولا ارادة فما معنى وصايا ربنا لينا؟؟؟؟
وايه فائده الوصايا ان كان الانسان عاجز على انه يسير فيها
؟؟؟؟؟؟
وعلى راى الشاعر
(القاه فى اليم كتوفا وقال له اياك اياك ان تبتل بالماء)
1- وصايا الله لنا دليل ان الانسان مخير
وحتى لو كان الانسان مسير فى طريقالوصايا اللى ربنا قالها فلا لزوم للوصيه لانه اكيد هيمشى فى الطريق سواء الوصيه موجوده او مش موجوده
ولكن الامر المنطقى هو ان وجود الوصيه دليل على ان الانسان مخير
فهو فى حريته يتبع وصايا الله او لا يتبعها وده بالفعل اللى بنشوفه ممكن الانسان يطيع اوامر ربنا او يعصاها
2-وجود الخطيه دليل ان الانسان مخير
فلو كان الانسان مسير فهل من المعقول ان يسيره الله نحو الخطيه
؟؟؟؟؟؟
وبذلك يكون شريكا معه فى ارتكابها
؟؟؟
حاشا لله طبعا
الكلام ده لا يقبله عقل وكمان لا يتفق مع طبيعة الله فهو اله صالح وعادل يكره الشر ولا يوافق عليه
اذن حينما توجد خطيه يكون الانسان قد فعلها باختياره وبارادته
3- حساب الله لنا دليل على ان الانسان مخير
مجرد وجود العقاب والثواب دليل على ان الانسان مخير لان من ابسط قواعد العدل
ان لايحكم على انسان الا اذا كان حرا فيما يفعل
فلو كان معندهوش حريه ولا اراده لايحكم عليه
(اذ انه لا مسئوليه حيث لا حريه)
وبناء على الكلام ده اذن لا يمكن ان يحكم الله على الخاطىء بالعذاب
ما لم يكن هذا الانسان بكامل اختياره
ومستحيل ان يعاقب الله انسانا مسيرا
ونفس الكلام من ناحية الثواب فالله يكافىء من فعل الخير باختياره
اما اذا كان مسير فى فعل الخير
فالاكيد انه لا يستحق الثواب