بسم الله الرحمن الرحيم
يا ستي و هي دي حاجه جديده يعني
إحنا في مصر ..
يعني طبيعي 
و الطبيعي يكسب بقى 
تعرفي كنت بتفرج على العاشره مساءً من كام يوم
و كانوا بيتناقشوا في حكاية السحابه السودا دي
المهم لقيت لك بجد شوية تفسيرات للظاهره دي تخليكي تقعدي تضحكي من هنا لبكره
اظرفها بقى ان واحد اتصل و بيقول انه دكتور في الجامعه و واخد الدكتوراه عن التلوث
المهم بيقول ان الظاهره دي سببها (تنفس الناس)
عشان الشخص بيتنفس و بيطلع زفير بقى و كده و بسبب الاحتباس الحراري بتحصل الحكايه دي
كان نفسي اتصل و اقولهم (هو الواحد بيتنفس في شهر 10 و 11 بس ولا ايه يعني)
و بعدين مين العظيم اللي ادى له دكتوراه ده 
ما علينا
التفسير التاني السجاير .. الناس بتشرب سجاير كتير
ماشي اوكي انا معاهم في الحته دي .. بس يعني السجاير مش بتتشرب إلا في شهر 10 !!!
التفسير التالت ..
العربيات .. مااااااشي معاكم برضو .. بس العربيات مش بيحلى لها تطلع عادم إلا في شهر 10 و 11 !!
السبب الرئيسي على ما أظن هو حرق قش الأرز و ده شوفته بعيني فعلاً
بس اللي بيضايقني اوي و مخليني بشك في كده
إني لما ببعد عن شرق القاهره و بروح ناحية وسط البلد و العبور .. مش بلاقي الدخان ده و بيكون الجو جميل جداً و حتى لما روحت العاشر من رمضان قريب ماكنش فيه الظاهره دي .. 
يبقى ايييييه بقى 
اشمعنى يعني في الحتت دي بس بتاعة شرق القاهره ... ايه الحكمه يعني
دي حتى مافيهاش ريحة الزراعه ولا هما بييجوا يرموا الفضلات هنا ولا ايه !!
بجد يا ستي دي تقريباً ضربه من اعدائنا عشان يضايقونا بقى
مالهاش تفسير تاني
شكراً للموضوع