[wafa2y]

المشاركة الأصلية كتبت بواسطة أرق ملاك

السلام عليكم و رحمة الله

ازيكم يا جماعة ؟اخباركم ايه
يارب يكون الجميع بخير
و الكليات تكون تمام و ياعينى الناس اللى عندها ميد تيرم زيى كده شدو حيلكم
المهم بقى ادخل فى الموضوع ع طول
عايزة اتكلم عن الحرم الجامعى
واخدين بالكم من الكلمة
الحرم الجامعى
للأسف أه
و للأسف الشديد الدكانرة مصدقينها
دكتورة الفيزياء جات متأخر و بتقول هناخد ال15 دقيقه اللي بين المحاضرتين
قولنلها الصلاة
قلتلنا أنا بأمركم مش بطلب منكم و لازم تحترموا الحرم الجامعي زي حرمة الجامع
(يا حلاوة)
ياللا ماعلينا من الكلمة دلوقتى
اصلى بشوف حاجات كده غريبة اوى فى الجامعة

زى ايه يعنى؟
اقولكم انا.......
فى يوم كنت فى سيكشن و سامعة صوت اغانى جامد اوى و كل شوية مجموعة شباب يسقفو جامد اوى
فبقول للبنت اللى جنبى ايه ده
قالتلى انتى ماتعرفيش
قلتلها لا
قالتلى اصل تجارة جايبين دى جى
طبعا نو كومنت نهائى خالص
نفس اليوم تقرببا لاقيت اختى بتقولى و الله الحكومة دى مفترية كانت مانعة النهاردة شباب الاخوان من انهم يخرجو من الجامع هيا قالتلى عاملينلهم حصار بس مش عارفة حاسة ان كلمة حصار دى كبيرة شوية
إحنا عندنا ضربوهم عشان الإنتخابات الحرة
ما علينا
عايزين نعمل مقارنة بقى بين الحالتين اوك
تانى حاجة
طبعا انا اصلا من المناظر الغريبة اللى بشوفها بحس ان الكلية دى مش مكان دراسة ممكن اى حاجة تانى
قليل اوى لما تشوف بنت او ولد واقفين لوحدهم
و شفت المنظر ده بيلفت نظرك بتحسه شاذ مع ان المفروض العكس
أومال لو جيتي و شوفتي
(تل أبيب)
ده شارع عندنا في هندسة


و بعدين المشكلة ان الشباب و البنات بقى عادى خالص
مافيش اى خجل نهائى نهائى نهائى
كانهم بيعملو حاجة عادية اوى

و تيجي تكلم الشاب يقولك يا عم عادي
دي زي أختي إنتوا اللي نيتكوا وحشة
و مفيش أ] كلام بيحوء معاهم

ايمان صاحبتى لما جاتلى الكلية قلنا نروح نقعد فى الجنينة شوية
و ياريتنا مااقترحنا الاقتراح ده
شفنا حاجات ربنا العالم بيها
و طبعا عاملين زى اسرائيل بالضبط محتلين الجنينة كلها
مافيش مكان كده تقدرو تقعدو فيه من غير ما يحصلكم اشمئزاز

اللى عايزة افهمه هنا بقى
هو حرم جامعى من اى زاوية بالضبط؟؟؟؟؟؟؟؟؟!!!!!!!!!!!
نيجى بقى للوجه التانى للعملة
ناس فاكرة ان الالتزام هو التكشير اوى
مع عدم الابتسام
+
معلقتين خناقات مع اى حد مش ملتزم
+ان اى حد مش متبعهم يبقى مش مسلم
دول بقى بيكرهو الناس فى الالتزام
بيخلو غيرهم يفتكر انه لو التزم مصيره التكشير اوى

دي أهم حتة في الموضوع
هو فعلا في بعض الملتزمين تلاقيهم مكشرين و ألإشين كده علي طول و أي حد يجي يكلمه يحسسه إن هو جاهل
لأ مش هو ده الإلتزام
الدين المعاملة
و غير كده و كده أنا لما أبقي مكشر علي طول و رايح أنصح واحد صاحبي عشان يغير الغلط اللي بيعمله
عمره ما هيتقبل مني
لكن لو هو متعود مني علي الضحكة و علي طول بهزر معاه
(مع عدم التمادي)
و محسسه إن أنا أخوه الصغير
لما أجي أكلمه هيتقبل إن شاء الله
مع إن نفسه الأمارة بالسوء هتمنعه
بس لما أكلمه يا حبيب قلبي أو يا بني يا حبيبي
و أنا ببتسم في وشه أكيد حاجات كتير هتتغير

نيجى بقى للجانب الكويس عشان مش اكون ظلمت الجامعة
الجامعة بقى زى ماالمفروض ان فيها البلاوى دى كلها
بس و الله ممكن نقدر نستفيد منها
اكيد الحمد لله كلنا بنروح نصلى فى الجامع بتاع كليتنا طبعا
هناك بقى نقدر نتعرف ع صحبة صالحة يفيدونا و نفيدهم
فعلا عند حضرتك حق في النقطة دي
هي الصحبة الصالحة
و نرتقى ببعض
حتى لو مش بقينا اصدقاء اوى
بس هنكون استفدنا جامد جدا
بدل مانضيع وقتنا
و نرجع نندم
ياريت كل حد فينا يناقش نفسه تانى
اه و ياريت صح
اعرف هما ليه بيقولو ع الجامعة الحرم الجامعى؟؟؟؟؟؟؟؟
اللى هختم بيه بقى
كلمة سمعتها من الشيخ محمود المصرى قبل كده
"المفروض يسموها الحرام الجامعى مش الحرم الجامعى"

و في الأخر ندعيلهم ربنا يهديهم
دول حاطين جدول الميد ترم من 11:1
يعني مفيش صلاة
يعني لو يتقوا الله فينا يبقي ربنا هيباركلنا كلنا
"اللهم يا مقلب القلوب ثبت قلوبنا علي دينك"
"اللهم أرنا الحق حقنا و أرزقنا إتباعه ... و أرنا الباطل باطلا و أرزقنا إجتنابه"