اقتباس:
المشاركة الأصلية كتبت بواسطة Dr.ahmed91
انا اخترت الرد بتاع الأخت سارة عشان احنا في نفس الكلية وبنشوف نفس الحاجات  التي لا توصف
[/center]
نفس المشكلة عندي في السكشن...المفروض الجروب يبقى 5 او4..المهم بقى السكشن عندي 5 بنات و25 احمد
فالمعقول ان ال5 بنات يعملوا مجموعة واحدة وخلاص
لا.....ابداااااا...ليه وازاي....(مش عارف عيب مين)
2 بنات مع ولدين
2 بنات مع ولدين
بنت مع 6 ولاد
وده غير حاجات تانية كتير الواحد بيشوفها كل يوم ويتقرف... البنات اللي بتقعد جنب الولاد بالقصد والعكس
البنت او الولد اللي يتحجج عشان ياخد منه ورق
انا ليا صاحبي اسمه خالد واحمد..بيعملوا ورق محاضرات حلو وكتير بيصوروا منه..فانا دايما ببقى معاهم..الاقي البنت جاي.. والنبي ياخلود عايزه ورق المحاضرة الفلانية وضحكاية كبيرررررة..اصلي مش فاهمه الحتة دي
ياستي ماتروحي لواحدة صاحبتك تفهمهالك ولا صوري من صحباتك ولا تعالي على نفسك واكتبي
وحاجة كمان. البنت اللي مالهاش صحاب بنات..تعمل ايه؟؟؟ تشوفلها شلة ولاد تصاحبها
من اول ما تروح الكلية لحد ما تطلع منها مع بعض وجنب بعض لايفرقنا الا حاقد او جاهل او زنديق
كان فيه مرة محاضرة نبات ... فالدكتور مرة واحدة راح قايل البنت والولد اللي قاعدين في اخر بنش وبيهزروا
راح مطلعهم وواخد من الولد الكارنية وطلعه بره..والبنت معهاش كارنيه راح موقفها جنب السبورة ساعة كاملة
400 نفر قاعدين يتفرجوا على البنت كده.قمة الاحراج. طب والولد.....لا ياعم الولد ساعتها انا شايفه من الشباك
واقف مع بنت تانية وبيهزر معاها وعادي خالص
تولع البنت اللي جوه
المفروض ان بيبقى عندنا محاضرة لغة (حاجة تافهة محدش بيحضرها)
الساعة 4 وبتخلص متأخر فالمهم جالي واحد معايا في التييم قبل المحاضرة بساعة وقالي انا لازم اروح عشان عندي مذاكرة واكتبني حضور قولتله ماشي المهم قعدت الساعة دي وحضرت المحاضرة وكتبته حضور وطلعت الساعة 5 ونص من المحاضرة ابص الأقيه قاعد مع بنت وقمة الانسجام..حاجة تقرف
ولنا عودة
[/center]
|
يااااااااااه ربنا يهدى بجد
و الله انا كده حبيت كليتى اكتر
ده احنا محترمين اوى عندنا
نورت الموضوع يا دكتور
اقتباس:
المشاركة الأصلية كتبت بواسطة الزعيم 08
والله أنا ما أحبش اللي يشوف الوحش ويقول ده وحش وأنا مش بعمله وأنا بعمل كذا واروح الجامع ....
ع فكرة انا عاملة الموضوع لان المناظر اللى بنشوفها كتير اوى
قلت اعمل الموضوع و نتناقش فيه
ومعلومة انا مواضيعى كلها مناقشات
و ماقلتش برده هنسيب المحاضرات و نروح الجامع
لو حضرتك قريت الموضوع كويس
انا قلت فى الصلاة
انتوا عارفين الغلط على مين الغلط على اللي بينشر الخبر نفسه قبل ما يكون على الخبر نفسه
معلش بس و الله مش فاهمة خالص اخر جملة دى
يعنى ايه قبل مايكون ع الخبر نفسه
الرسول الكريم (ص) قال فيما معناه :
إذا رأى أحدكم منكرا فليغيره بيده فإن لم يستطع فبلسانه فإن لم يستطع فيقلبه وذلك أضعف الإيمان
طيب و حضرتك هتغيره بلسانك ازاى
لازم تتكلم
و احنا هنا فى المنتدى مش بنتكلم بنتكتب
لكن ما قلش ما تعملوش المنكر بس ويدوب تنصرفوا عنه
مين قال لحضرتك اننا بننصرف عنه بس
ع فكرة لو الموضوع كده ماكنش الموضوع عمل صفحتين
يارب تكون وصلت الرسالة
|
ع مااظن فهمت قصد حضرتك
عموما يارب برده تكون رسالتى انا كمان وصلت و ربنا يهدينا كلنا
نورت الموضوع
اقتباس:
المشاركة الأصلية كتبت بواسطة stranger
و في الأخر ندعيلهم ربنا يهديهم
دول حاطين جدول الميد ترم من 11:1
يعني مفيش صلاة
يعني لو يتقوا الله فينا يبقي ربنا هيباركلنا كلنا
"اللهم يا مقلب القلوب ثبت قلوبنا علي دينك"
"اللهم أرنا الحق حقنا و أرزقنا إتباعه ... و أرنا الباطل باطلا و أرزقنا إجتنابه"
|
اللهم امين
ربنا يهدى الجميع
بجد انا مش عارفة فين الاهل
نورت الموضوع
نورتى الموضوع يا قمرى
بجد و الله نورتيه
مستنياكى يا حبيبتى لما ترجعى باذن الله من الحرم الجامعى
و جزاكى كل خير
اقتباس:
المشاركة الأصلية كتبت بواسطة Bosy 2
بصراحه الموضوع جميل بس مش عارفه ارد اقول ايه المفروض ان الجامعه دى للناس الكبار اللى بتفهم عارفه الصح من الغلط الحلال من الحرام مش كده سلطه
كنت راحه لعمى امبارح وبعدين بهرز مع بنت عمى وبقولها يا بختك لا ثانويه ولادروس ولا خانقه لاقتها بتعيط وبتقولى انا مش راحه الكليه تانى خالص قولتلها ليه قالت لو مصحبتش ولد فى الكليه ابقى معقده
الولد من دول يجى يرزل عليا ويقولى عاوز ورق للمحاضره الفلانيه طب مهو كان واحد من خمسين ولد مقلهمش هما ليه ؟؟؟؟؟؟؟؟
المكان بيبقى فاضى ويجو يلزقو جانبى طب متروح تقعد من ولاد زيك لا ازاى مينفعش واللى عاوز نمره الموبايل وكل يوم ليه خناقه شكل
بس ارجع واقول برده ان كل شى بايد الانسان اللى عاوز يبقى وحش هيبقى واللى عاوز يبقى حلو هيبقى
زى الورده اللى بيبقى حوليها شوك كتير وهى برده ورده جميله محافظه على لونها وريحتها |
جميلة اوى خر حاجة كتبتيها يا بوسى
ربنا يبارك فيكى يارب
نورتى الموضوع
اقتباس:
المشاركة الأصلية كتبت بواسطة Dr.ahmed91
المشكلة اللي ممكن تقابيلها ان الشباب والبنات دول معندهمش اي هدف في حياتهم
لاعارفين دخلوا الكلية ليه؟؟ ولا يعملوا فيها ايه؟؟ ولا حيعملوا بعدها ايه؟؟ حياته حيبقى شكلها ازاي
هل ده الشباب اللي بعد 4 او 5 سنين حيتخرج ويشتغل ويبقى مسئول عن زوجة واولاد وهيا تبقى مسئولة عن زوجها وبيتها وولادها وتربيتهم
طب ازاي؟؟؟؟
اذا كان مش قادر دلوقتي يعتمد على نفسه ولا يبقى مسئول عن نفسه واول مشكلة تواجهه يقف قدامها
طب تسأل وجهة نظرك ايه في كذا؟؟ مفيش..ماليش!!! طب اوباما ده مين؟؟ مش عارف
طب نتكلم في ايه؟؟ الدين السياسة العلم الثقافة الاقتصاد ... انتا حتوجع دماغنا
اتكلم عن الاغاني والافلام والكورة والبلوتوث والنغمات والصور ... ولا نتكلم عن البنااااااااااااااااااااات
طب المحاضرات؟؟ احضر وهات تقدير واطلع من الاوائل.....لا برضه
مفيش طموح..مفيش هدف..مفيش رؤية...مفيش رسالة
والله الواحد بيفرح لما يشوف بنت ملتزمة في حالها او ولد في حاله مهتمين بالعلم اللي بياخدوه ولا بدينهم ولا ليهم شخصية....يااااه كلمة كبيرة قوي..شخصية
تشوفي الناس تلاقي ربنا نازع منهم بركة الوقت..... ساعة اتنين تلاته اربعه...ولاحاجة بالنسبة لهم
الواحد بيصعب عليه حال ومستقبل مصر والأمة
بعد 20-30 سنة المفروض دول يمسكوا البلد
دكاترة مهندسين محامين اقتصاديين ساسة
طب حال البلد حيبقى ايه؟؟؟
الاسلام حيبقى شكله ايه؟؟؟ الاخلاق حتفضل موجودة
كله متعلق في ساقية ومحدش بيسأل في التاني
الاب اللي ماشي ورا شغله والاخ والام والاخت اللي بعاد عن بعض
والاصحاب اللي بقى تجمعهم حاجات تافهة (لعب كورة وبلاي ستيشن - قهوة- كارفور-سينما)
حاجات كتير بتضايق الواحد
بس ادينا اهو عايشين راضيين.....جايين ورايحين
|
و الله يا دكتور ردك فى منتهى الروووووووووعة بجد
ربنا يكرمك يارب