جاوبي بنعم أو لا .. و اشرحى وجهه نظرك
هل ترفضين طلب رجل الزواج بكِ لهذه الأسباب:
1 - هل ترفضينة لأنه لا يصلى ؟
نعم
لان طالما مش بيصلى يبقى مالوش صلة مع ربنا... يبقى هايبقى لة خير فيا.!!!!!!!! و لو دة عيبة الواحيد ممكن اقف جنبة و اساعدة انة يقوى ايمانة بربنا و يصلى.
2 - هل ترفضينة لأنه يدخن ؟
لا
لان التدخين ممكن يبطلة عادى... و لو بصينا لكل واحد بيدخن بيقى على كدة نص البنات مش هاتتجوز..
3 - هل ترفضينة لأنه يعاكس الفتيات ؟
نعم
و دى مفهاش حاجة تتناقش
4 - هل ترفضينة لأنه بخيل ؟
نعم
و دى كمان مفهاش حاجة تتناقش
5 - هل ترفضينة لأنه مهزوز الشخصية ؟
نعم
و دى كمان مفهاش حاجة تتناقش
6 - هل ترفضينة لأنه لايعمل ؟
نعم
طيب هايفتح بيت و يصرف على مراتة و عيالة من فلوس ماماى و باباى
7 - هل ترفضينة لأنه سيسكن مع أهله ؟
نعم
بس حسب اهلة لو ناس محترمة ماعنديش مشاكل انما لو ناس جر شكل بيقى اللة الغنى..
8 - هل ترفضينة لأنه فقير ؟
نعم
لازم يكون فى تكافل اجتماعى او بمعنى اصح يقدر يعيشنى عيشة اهلى لا اعلى و لا اقل.
9 - هل ترفضينة لأنه مريض ؟
نعم
و عموما حسب نوع المرض يعنى مثلا لو امراض جامدة زى الامراض الخبيثة انا هارفض. و لو الامراض العادية دى ماشى عادى لان مفيش انسان سليم و مش مريض بس طبعا مرض عن مرض بيقرق.
10 - هل ترفضينة لأنه عصبى المزاج ؟
لا
العصابية دى عادى
11- هل ترفضينة لأنه يتلفظ بألفاظ سيئة ؟
نعم
و دى كمان مفهاش حاجة تتناقش
12- هل ترفضينة لأنه لايهتم بمظهرة ونظافتة ؟
لا
هو اة طبعا انا بنت و مش هاقول لك ان انا ميفرقش معايا هو بيفرق طبعا بس كل واحدة تحب ان مظهرها هى و زوجها يكون احسن مظهر .. بس دة مش هايكون سبب رفضى لزوجى.
لا استنى لو مش بيهتم بنظافتة كمان انا هارفض بالتلاتة...
13 - هل ترفضينة لأنه سمين أو نحيف (المظهر) ؟
لا
مايفرقش معايا
14 - هل ترفضينه لأنه يعانى من إعاقة ؟ (( شلل أطفال مثلاً أو لا يسمع أو لا يتكلم ))
نعم
لو بحبة خلاص ماشى و دة احتمال ضعيف.. بس انا بصراحة هارفض و كمان عشان مش هاقدر على خدمتة و حرام اظلمة و اظلم نفسى
15- هل ترفضينه لإختلاف اللون ؟
لا
مايفرقش معايا
16 - هل ترفضينه لنسبه ؟
نعم
لازم يكون ابن ناس و من عائلة و فى بنا تكافل عشان نقدر نعيش مع بعض و اقدر اتفاهم معاة.. لان مافيش بنت عائلة هاتاخد و احد من الشارع او مالوش اصل..
17 - هل ترفضينه لو إشترط عليك عدم إكمال الدراسة أو العمل ؟
نعم
دة يبقى بيحلم...!!!!!!!!!!!!
و دى كمان مفهاش حاجة تتناقش
18 - هل ترفضينه لأن والدته متسلطة ؟
نعم
الحاجة دى لو حاصلت انا عمرى ماهفكر فية ابدااااااااااااااااااااااااااااااا
19 - هل ترفضينه لأنك ترينه أخ لك ؟ (( إبن العم - إبن الخال مثلاً ))
نعم
اولا انا مش بحب زواج الاقارب
و لازم اكون بحبة مش هاروح اتزوج واحد زى اخويا..
20 - هل ترفضينه لأنه غيور ؟
لا
مافيش راجل مش بيغير على واحدة بيحبها.
منقول