بسم الله الرحمن الرحيم
اولا انا عارف انه سؤال عجيب جدا بس انا حصل معايا موقف خلاني اسأل السؤال ده
في يوم كنت في الكلية و الظهر اذن و كنت في سيكشن و خرجت بعد ساعة من الاذان
و طبعا الصلاة كانت خلصت قلت اروح اصلي انا و صحابي مع بعض في المسجد
و احنا داخلين المسجد الراجل اللي المفروض انه المشرف على المسجد قفل الباب و احنا داخلين
و هو شايفنا داخلين و قفل في وشنا الباب . قفل في وشنا باب بيت ربنا
طبعا انا كنت مش مصدق و مزهول لان عمر ما حصل معايا موقف زي ده
و طبعا اكتشفت بعد كده انه عمل كده عشان خاطر تجمعات الاخوان داخل المساجد
و هو عشان الاخوان ميتجمعوش يقفل باب المسجد في وش الناس و الجامعة مش
عايزه التجمعات دي و طبعا احنا كلية الهندسة اكتر كلية فيها نسبة اخوان
بس ده مش ذنبنا و بعدين هما لو عايزين يتجمعوا هيتجمعوا في اي حته .
و طبعا مش هقول غير حسبي الله و نعم الوكيل