11
الفــــــــلاح
الأوله آه, والتانيه آه, والتالته آه
الأوله عيرونى أن أنا فلاح
والتانيه أزرع وأقلع للى نام وأرتاح
والتالته آه اللى أحبه شط منى وراح
*
الأوله عيرونى أن أنا فلاح .. بدفــــــيّــــه
والتانيه أزرع وأقلع للى نام وأرتاح .. فى دهـبـيــه
والتالته آه اللى أحبه شط منى وراح .. فى صبحيـه
*
الأوله عيرونى أن أنا فلاح بـــــدفـــــــيــــــــه .. وعيشى حاف
والتانيه أزرع وأقلع للى نام وأرتاح فى دهبيه .. بميت مجداف
والتالته آه اللى أحبه شط منى وراح فى صبحّيـه .. ما قاللى عواف
*
الأوله مش بإيدى دا قضا محتوم
والتانيه ومسيرها ناس تغرق وناس حتعوم
والتالته ميت هم يرحل ألف هم يدوم
*
الأولــه آه
والتانيه أه
والتالته آه
الأوله يخرب بيوت اللى قعدوا على تلها بعد ما سرقوها و نهبوها
والثانيه ليهم يوم اللى افتكرو نفسهم,عشان خونه, ونسيوها
والتالته يخرب بيوت اللى جابوهم من غير لاصندوق ولا نعم ولا لا وغصبوها
بنقول لهم الأوله لا
والتانيه لا
والتالته لا
والألف لا
معدش حد طايقكوا جلوا عنا بقا خربتوها
آه