[اوركيديا]

المشاركة الأصلية كتبت بواسطة dr.saeed

السلام عليكم ورحمة الله وبركاته
اولا ازيكم يا جماعة عاملين ايه؟
يارب تكونوا بخير
ان شاء الله
دلوقتى فى موضوع مهم الواحد فكر فيه كتير لقصص كتير شفتها بعينى ادامى من ناس كتير عرفتها سواء على النت او على الحقيقة
جرب كدة تعمل موضوع عن معنى الصداقة اهميتها راى الحكماء فيها؟
هاتلاقى كل الردود
الصديق الوفى ماعدشى موجود
الصديق الوفى ان كان موجود يبقى نادر جدا
طب ماشى
لما كلنا رأينا كدة؟
يبقى العيب فى مين بقى؟
يعنى انا وانت وانتى وحضرتك
طالما كلنا شايفين ان احنا الاصدقاء المثاليين
واصحابنا كلنا هما الى مش كدة
يبقى هل العيب فيهم بس؟
طب وطالما كل واحد حاطط فى دماغه
ان التانى مش وفى
امال مين فينا الى وفى؟
هو
الواحد لو حط فى دماغه ان اللى قدامه مش وفى و الكلام ده
فعلا حتلاقيه مش وفى

بس فعلا لما تتعامل من الاول مع منطلق
انك بتعمل زى ما تحب انه يتعملك
فخلاص
الموضوع بالنسبالك بيبقى منتهى
خصوصا فى حته الوفاء دى
و
حاجة بسيطة ممكن نيتدى فيها نتكلم فى المشكلة
البعض بياخد معنى الصداقة على وجه طفولى شوية
بمعنى
انى وفى مع الاخ دة وانى صاحبه من زمان
يبقى لازم دة يحكيلى كل حاجة عنه
زى مانا بحكيله هو كمان يعمل زيى ولا انا أثق فيه وهو لا؟

احم
ممكن حضرتك تكون واخدها من منظور تانى
يعنى
الصحاب بيخافوا على بعض
يعنى هى مش تكون مدايقه و زعلانه قدامى
و مش ترضى تقولى مالها
ده مش بيعمل غير انه بتقلق اللى قدامها بس

وناس تانية تاخدها ان الصاحب مفروض يسيب كل حالته وشغله ويفضل يسمع لصحابه؟
ساعات بعملها بكيفى
عادى و بحس فيها انى علمت حاجه
طب مثال حقيقى مختلف عن الى فاتوا
فى مرة سألت مين أقرب واحد للنبى صلى الله عليه وسلم ومن قبل الاسلام كمان؟
اتقالى
أبو بكر الصديق اكيد
سالت تانى
مين أمين السر النبوى؟
اتقالى
ايه هو مش سيدنا أبو بكر

ماشى النبى صلى الله عليه وسلم وابو بكر الصديق أصدقاء واخوة بجد
بس امين السر النبوى هو حذيفة بن اليمام
حاجة تانية
ليه بلاقى الاصدقاء غالبا فى العصر دة بيختلفوا كتير ويفقوا مع بعض على التافه؟
ليه لما بيحصل بينهم مشكلة او تسمع من واحد بعيد انه قال عنك كدة مش تروحله تقوله قلت كدة وليه؟
يمكن اى فعلا قال كدة بس لسبب معين
خاصة انكك مش بتتعامل مع نبى
انتى بتتعامل مع بشر من سهل ان يزل وبخطىء
ههههههههه
و ده على اساس انك لما تقوله مش قولت حيصدقك
لا
اللى بيحط حاجه فى دماغه مش حيطلعها
و يتصرف معاك بمنطق
قالوا للحرامى احلف
بس خلاص كل واحد حر فى رايه و تصرفاته
انا ليا اللى جوايا بس

الحاجة التالتة
ليه البنات بالذات الاقى كل بنت تقول البنات بيغيروا اوى منى
طب طالما كل واحد شايفه ان كل البنات الغيرة عندهم عالية اوى وغير محمودة
يبقى مين فيهم الى فعلا بيغير غيرة مش كويسة؟
مش عارف
بس صراحه انا عمرى ما قولت الحكايه دى
عشان انا مش حاجه قوى يعنى عشان كل البنات تغير منى
الحاجة الرابعة
البحث عن صديق
ودة اهم شىء
ليه لما نيجى نصاحب
نختار من الوسط المحيط وخلاص
حتى لو البيئة مش كويسة
اهم اصحاب وقريبين منى وشايفهم على طول وخلاص؟
ليه مش بناخد بالنا اوى ان الاصحاب هم اكتر حاجة تأثر على شخصية الواحد عشان كدة لازم نختارهم بدقة وبعناية بجد
طيب حنجيب منين
ما هم دول اللى قدامنا فعلا
يعنى بنات فى الفصل
ماشى ححاول اختار من بينهم
بس بردوا
بيفضل اختبارى محدود بنطاق
و اللى هو هما
فالحكايه بتفضل كده طول الحياه

و يمكن انا بحس حكايه التنقيه و كده جميله بعيد فى النت
انك بتختار بين ناس مش فى وسطك
يعنى تجديد
الحاجة الخامسة
ليه لما بيكون جواك حاجة معينة من صديقك تفضل حاططها فى قلبك
وطبعا اكيد صاحبك دة بيغلط اكتر من غلط لانى زى ما قلت مش نبى
وانت ولا مرة تصارحه
بالعكس
تفضل سايبه يغلط يغلط
وانت قلبك يشيل منه أكتر
وفى الاخر تاخد القرار انى ابعد عن الشخص دة نهائيا
من كتر تراكم المواقف طبعا واحد على التانى
الحاجة السادسة
تقول هو صاحبى بقى بيمشى مع الواد دة كتير ليه؟
ليه بقى بيمشى مع دة اكتر منى؟
هو خلاص نسانى ولا ايه؟
وممكن يكون الشخص دةأقرب واحد ليه فى المحيط الدراسى
فيكون التعامل معاه كتير
وفى نفس الوقت بيبتدى السؤال يقل شوية بين الاصدقاء لان فيه كليات زى هندسة عندنا مثلا مش بيلاقوا وقت اصلا يذاكروا فيه

هو انا ساعات بعمل كده
بس بحس الحكايه مش مستهاله
يعنى حاجه بسيطه كده مش حقعد امسكلها على الواحده
و انتى عملتى و انتى سويتى
بس انا من النوع لما بيتكلم بيجيب من الاول للاخر
كله ورا بعض
بس لما بتكلم بقى

الحاجاة السابعة
ودى من أغرب الحاجات
انتى يا بنى
انا معجب بالبنت دى؟
وهو كمان يكون معجب بيها
الله
ازاى؟
مش مفروض ياخد باله
مش لازم يسالنى الاول
وتبتدى بينهم حاجات ممكن الاطفال يتحرجوا من انهم يعملوها
عشان واحد فيهم يعرف يكلمها والكلام دة
وكذلك مع البنات بس الموقف بالعكس طبعا

و لا اعرف كلمه عن الحاجات دى

طبعا دى بعض المواقف الرئيسية الى بين الاصحاب
والى بتحصل ونرجع نقول ما فيش اصدقاء أوفياء
وطبعا كل واحد فينا فيه عيب معين
أى واحد
فيه عيب
بس هل انت هاتستحمل عيب صاحبك
ولا واحدة بواحدة هاتمل من العيب دة
وتصاحب غيره
يطلع فيه عيب تانى
تستحمله لانه فيه صفات كويسة
وتسيبه لما تمل من العيب دة؟

على حسب العيب
يعنى فى عيب ممكن اقدر اتعايش معاه عادى
و فيه حاجات متنفعش
بتبقى نسبيه

الموضوع طويل شوية
والكلام فيه كتير اوى
لو حد عنده موقف معين ممكن يقوله ومش لازم ذكر اسماء لان المواقف فى الموضع دة أكيد كتير
وفيه أكيد ناس لما شافت الكلام حست انه منطبق عليها
والسؤال الاخير؟
مين الى وفى ومين الى بيضيع الصداقة بجد؟


فى امان الله

الله اعلم
مين الوفى و مين اللى بيضيعها
بس غالبا الواحد بيبقى شايف نفسه هو الصح
و الطرف التانى ع طول هو الغلطان
و ده فى حد ذاته سبب فى ان الصداقه تروح
بس انا ما دام حبيت واحده
حفضل طول عمرى احبها مهما تعمل

فى رعايه الله