هو بجد الموضوع كبير والواحد مش قادر يحدد منين هتكون نقطه البدايه بالضبط
بس هحاول
إحنا ليه لما بنكبر كل القيم والمبادىء اللى إتربينا عليها بنسبها ونمشى وراء مقوله عمى قرشى وصاحبى دراعى
أقولك أنا
من وإحنا صغيرين بيقعدو يغرسو فينا مبادىء وقيم جميله زى الصراحه وحب الخير والإيمان بالله وحب الناس وإن اللى بيتوكل على الله عمره ما بيسيبوه .............. الخ
لكن كل ما بنبص حولينا بنلاقى الفساد متفشى فى كل مكان اللى بيقولك السرقه حرام مادد إيده فى جيب اللى جنبه واللى بيقولك الكذب ده من الكبائر نص كلامه مبيصفاش على الربع
فبتبدأ تفقد الثقه فى اللى حوليك أول بأول لحد ما بتكبر وتفهم الدنيا صح وتتحط على أكتافك المسؤليه وتبص تلاقى كله بيسرق فى كله والطبيعى إنك تكون حرامى لكن اللى مش طبيعى إنك تكون شريف فبتبدأ توزن الأمور لو إيمانك عالى وربنا سبحانه وتعالى بيحبك بتزهد فى الدنيا وتستحمل قرفها ولو إنت بقى بقدر الله ضعيف الإيمان وده حال معظمنا بنهيج فى الموجه ونخش ساحه النفاق والرياء
هو أنا عارف إنى ممكن أكون بعدت أو مش فاهم الموضوع صح بس دا اللى قدرت أفهمه