اقتباس:
المشاركة الأصلية كتبت بواسطة _guide_
كان ليا استفسار صغير بس
عمتا هو التصويت شىء حضارى وجميل
وكل سنة وانتم طيبين وكل حاجة حلوة
بس كنت عايز اسال سوال بسيط
هو انا لما احب اعمل تصويت على فتح قسم او اغلاقه
اعمله فى قسم تانى للحيادية ولا اعمله فى القسم اللى رواده موجودين فيه
بمعنى اخر انا بعمل تصويت على حاجة معروف مسبقا ان الكل هيوافق عليها
زى اللى عمل تصويت فى داخل النادى الاهلى وكتب
(هل تعتبر ان نادى الاهلى نادى القرن )
نعم / لا
هتكون نتيجة التصويت الطبيعية ايه
لا مثال !
اكيد الكل هيقول نعم
انما علشان تعمل تصويت او استفتاء عام نزله فى الركن العام
اقتراحات ومشاكل
فائق احترامى  |
طيب ما ممكن رواد القسم التاني اللي احنا هنعمل فيه التصويت يتحيزوا برضه لقسمهم
عموما الموضوع متهيألي مش كده
احنا مش في النادي الاهلي وباقي المنتدي هوا باقي الاندية
لالالالالالالا
ده مش مقياس
لان معظم اقسام المنتدي عن نفسي بحبها برضه
وبدخلها كتير
وعلي فكرة هنا في القسم ده مش متحيزين ولا حاجة
احنا بنوصف واقع
اكتب اي موضوع في اي قسم وشوف الردود هتبقي ازاي والمتابعة ازاي
واكتب نفس الموضوع في قسم الكادرهتلاقي ايجابية واقبال علي القراءة والرد والتعليق والمشاركة
يبقي احنا كمدرسين ايجابيين في مكاننا يا اخ اسلام
ومكاننا الطبيعي هوا قسم الكادر
متهيألي مش هنخش نزاحم طلبة الكليات في اماكنهم لان اهتمامتهم غير اهتماماتنا
ومشاكلنا مختلفة
وكل يغني علي ليلاه
لازم وطبيعي اي انسان عادي طبيعي يهتم بمكان بيهتم بمشاكله
زي ما انت يهمك تخش علي قسم المشرفين وادارة المنتدي ويهمك تتابع كل حاجة وكل الاحداث هناك لان ده طبيعي وده تخصصك ومحدش يقدر يلومك علي اهتمامك بتخصصك
عموما كان نفسي اعرف رايك في الاستطلاع ده
انهي قسم اكثر اقبالا؟
وقسم الكادر يستحق الاستمرار ولا لا؟