أولاً
أنا اللى حذفت الموضوع آخر مره وده لأن حالياً عادل مش مشرف على القسم يعنى أنا لو عضو وداخل جديد ومعرفش إن عادل كان مشرف هقول إن ده موضوع عضو نزله عجب المشرف قام مثبته
ولو اللهجه فى الموضوع باين إن فيها بعض التحذيرات يعنى باين إنها قوانين هقول هو مين العضو اللى بيتكلم ده وهبقى مستغرب وإزاى وبأى حق ينزل قوانين لقسم وهو عضو زيه زيى
ثانياً
لكل مشرف طريقه خاصه بيدير بيها قسمه وسايسه هو بيتبعها زى ما بيقولو لكل شيخ طريقه وفيه فى كل قانون ثغرات ميقدرش يتغلب عليها غير صائغ القوانين لأنه هيقدر يرد رد وافى لو عضو إستفسر وهيقدر يشرح وجهة نظره
ثالثاً
المفروض إن إنتى ومحمد اللى تصيغو القوانين الحاليه للقسم بما إنكم مشرفين عليه
ده كان بالنسبه للقوانين الخاصه بالركن العام
نيجى للجزء الثانى من الموضوع
المنتدى هنه بيتدرج فى السلطه إنتى ليكى إمكانيات مشرف غيرك له إمكانيات مشرف إدارى وفيه مدير وفيه مدير موقع يعنى فيه فرق فيه قضيه بينطلب فيها رأيى المشرف الإدارى رأيك فيها لا هيثمر ولا هيغنى من جوع وفيه قضيه بيبقى مطلوب فيها رأيك لكن إنتى وصلتى بعد ما الموضوع إتحل فأصبح رأيك بردو معدوم القيمه وبل بالعكس ردك ممكن بعد ما المشكله إتحلت يرجع تانى يفتحها
ولو لاحظتى هتلاقى إن الموضوع اللى بيتم إغلاقه حاجه من الإتنين يا مشكله وتم حلها يا إما مشكله مطلوب فيها رأى شخص معين وفى إنتظار رأيه
هتقولى ما إحنا بنقول مفيش فرق بين مشرف وعضو هقولك للأسف أغلبيتكم فاهمين الجزئيه دى غلط إحنا نقصد فى الثواب والعقاب مش فى الخصائص والإمكانيات وإلا كنا خلينا الجميع مديرين ولا إيه
ياريت أكون وضحت وجهة نظرى
وياريت يتم بسرعه صياغه قوانين جديده يبقى المسؤل عنها إنتى ومحمد نصر
وآسف لو كنت طولت عليكم