[Travel]

المشاركة الأصلية كتبت بواسطة mohamed nasser

فعلا يا ترافيل قوانين الركن العام كل شويه بتتشال وبتتحذف طب الاعضاء الجدد هيعرفوا ازاي قوانين القسم هما ممكن يعرفوا بحاجه تانيه

لما نحذف الموضوع ونكتب سبب الحذف بتاع كل موضوع يروحوا هما جايبين ورقه وقلم ويجمعوا الاسباب بتاعة الحذف الي بتجيلهم في الرسايلا وكده يبقي هما عرفوا قوانين الركن العام !!!!
طب الاداره شالت الموضوع عشان هتحط قوانين تانيه وبصيغه تانيه ؟؟؟؟

ده اللى بقوله
هنحذف بناء على ايه
معلش بقى انا ساعات ببقى رخمة وبقول ممكن اشوف سبب الحذف للموضوع كذا
ساعتها بقى لو اتعملت فيا او محمد الحرة دى هنقول بناء على قوانين ايه؟
قوانين الركن العام بتاع المنتدى اللى جنبينا؟

وبعدين اعتقد ان احنا مشرفين العام يعنى يتقالنا ايه اللى بيحصل فيه
لو ملناش لازمة بقى
وكل واحد وسلطته يبقى ايه لازمة وجود مشرفين على العام
طالما ان الايد المجهولة بتمشى مع نفسها وخلاص

المشاركة الأصلية كتبت بواسطة _GUIDE_

انا مؤمن ان القوانين صنعت لكى تخرق
بس مش معنى كده اننا نمشى من غير قوانين
اعتقد قوانين مش هقول عادل القوانين اللى حطها عادل واتعدلت اكتر من مرة
واتعرضت واتوافق عليها مفهاش اى مشكلة
لكن مشكلتها الوحيدة التزام الاعضاء بيها
اللى عايز اقوله ان فى قوانين بنستخدمها باثر رجعى مش شرط اننا نحط
كل يوم قوانين علشان الاعضاء تشوفها
لان احنا هنا برضه بنطبق مبدأ الجهل بالقانون لا يعفى من المسئولية
فى النهاية القسم العام محتاج قوانين صارمة يتمشى عليها
حتى ولو كانت قوانين شفهية بين المشرفين مع بعضهم ويكون الجميع متفق عليها

واحنا متكلمناش واشتكينا من قوانين عادل
وكانت عاجبة الجميع
والدليل ان
شرين وطه
لما كانوا مشرفين على العام و
عادل
لأ
سابوها وكانوا بيمشوا عليها
وانا كذلك لما كنت بطلب حذف مواضيع من العام وكنت بتسال ليه كنت بجيب قوانينه
مفيهاش حاجة انها تفضل موجودة
وكلنا بقول متفقين عليها

المشاركة الأصلية كتبت بواسطة _GUIDE_

هما دول اللى لعبه فى الموضوع :D
تقصد هى دى الايد المجهولة اللى بتلعب فى الركن العام

_____________________________
..........................................
تم اعادة الموضوع مرة اخرى الى القسم العام
برجاء عدم نقله الى قسم المحذوفات مرة اخرى
وعلى السادة مشرفى القسم العام الزام الجميع بالقوانين

واذا كان هناك اى تعديل على القوانين برجاء طرحها الاول للمناقشة قبل نزولها شكر

اوك
متفقين
بس زود فى كلامك
على جميع المشرفين والمديرين الالتزام بالقوانين

المشاركة الأصلية كتبت بواسطة MohammeD.el_SadaT

أولاً

أنا اللى حذفت الموضوع آخر مره وده لأن حالياً عادل مش مشرف على القسم يعنى أنا لو عضو وداخل جديد ومعرفش إن عادل كان مشرف هقول إن ده موضوع عضو نزله عجب المشرف قام مثبته
ولو اللهجه فى الموضوع باين إن فيها بعض التحذيرات يعنى باين إنها قوانين هقول هو مين العضو اللى بيتكلم ده وهبقى مستغرب وإزاى وبأى حق ينزل قوانين لقسم وهو عضو زيه زيى
ساعتها هنقول انه كان مشرف العام
وهو حاليا لأ والقوانين دى اعتقد انه تم الموافقة عليها من قبل الادارة

زى حضرتك وانت حاطط القوانين العامة للمنتدى
وقدمت استقالتك من فترة
او كان مكتوب عليك
عضو قدوة
وكنا شغالين عادى فى الحذف والوقف والتحذيرات
ساعتها
كنا شغالين بالقوانين عادى ومحدش كان بيتكلم
يبقى عادى بقى لما نشتغل بقوانين عادل


ثانياً
لكل مشرف طريقه خاصه بيدير بيها قسمه وسايسه هو بيتبعها زى ما بيقولو لكل شيخ طريقه وفيه فى كل قانون ثغرات ميقدرش يتغلب عليها غير صائغ القوانين لأنه هيقدر يرد رد وافى لو عضو إستفسر وهيقدر يشرح وجهة نظره
واحنا مشتكيناش من القوانين دى
لو لاحظت
هتلاقينى عاملة دمج لقوانين عبقرينو مع القوانين العامة للمنتدى
وحذفت حاجات وسبت حاجات
يعنى القوانين لو مكانتش كويسة او فيها حاجة كنت حذفتها واشتغلت بحاجات تانية
واحنا مرتاحين بيها
وان كنا هنعدل فيها شوية وهنضيف حاجات

ثالثاً
المفروض إن إنتى ومحمد اللى تصيغو القوانين الحاليه للقسم بما إنكم مشرفين عليه

ده كان بالنسبه للقوانين الخاصه بالركن العام
وانا ردى على الجزئية دى فوق
واعتقد انه واضح

نيجى للجزء الثانى من الموضوع
المنتدى هنه بيتدرج فى السلطه إنتى ليكى إمكانيات مشرف غيرك له إمكانيات مشرف إدارى وفيه مدير وفيه مدير موقع يعنى فيه فرق فيه قضيه بينطلب فيها رأيى المشرف الإدارى رأيك فيها لا هيثمر ولا هيغنى من جوع وفيه قضيه بيبقى مطلوب فيها رأيك لكن إنتى وصلتى بعد ما الموضوع إتحل فأصبح رأيك بردو معدوم القيمه وبل بالعكس ردك ممكن بعد ما المشكله إتحلت يرجع تانى يفتحها
اممممممم
انا مش بتكلم عن السلطة والمواضيع اللى انا اقصدها ملهاش دعوة بالسلطة خاالص
وحكاية رايى دى علشان موضوع لسه كان محطوط من
مستر/احمد الطيب
كان بيتكلم فيه عن الركن العام
فى جزئية فى رده لفتت انتباهى وكانت محتاجة توضيح
وكمان هو فى الموضوع كان يقصد مشرفى الركن العام
يعنى راينا مهم وله قيمة
بناء على ايه بقى بيغلق الموضوع وانا ليا جزئية عاوزة ارد فيها

ومش الموضوع ده بس
انا قلت مثال بسيط مش اكتر
ولو لاحظتى هتلاقى إن الموضوع اللى بيتم إغلاقه حاجه من الإتنين يا مشكله وتم حلها يا إما مشكله مطلوب فيها رأى شخص معين وفى إنتظار رأيه

بس اعتقد انك نسيت حاجة
فى مواضيع بتلاقى فيها حاجة عاوزة توضيح
وممكن يكون واحد عامل موضوع عن حاجة ولفتت انتباهك حاجة تانية
وانت عاوز منها توضيح
يا توضحهاله يا اما تتوضحلك انت
ساعتها بقى هيكون ايه الحل؟

ان الشخص ده يعمل موضوع تان والموضوع موجود اصلا
ساعتها اعتقد انه هيبقى تزويد مواضيع والسلام

هتقولى ما إحنا بنقول مفيش فرق بين مشرف وعضو هقولك للأسف أغلبيتكم فاهمين الجزئيه دى غلط إحنا نقصد فى الثواب والعقاب مش فى الخصائص والإمكانيات وإلا كنا خلينا الجميع مديرين ولا إيه
الفرق بين المشرف والعضو صلاحيات فى لوحة التكم فقط


ياريت أكون وضحت وجهة نظرى

اتمنى ان وجهة نظرى برضه تكون وضحت
وياريت يتم بسرعه صياغه قوانين جديده يبقى المسؤل عنها إنتى ومحمد نصر
وآسف لو كنت طولت عليكم

امممممممم
القوانين هتفضل زى ما هى
لغايت ما نشوف اذا كنا هنعمل عليها تعديل
وايه هى التعديلات
مع العلم
اننا اذا نزلنا
قوانين جديدة للعام
هيتم اقتباس قوانين عادل
وهيتكتب تحتها مقتبسة منه