السلام عليكم و رحمة الله
وعليكم السلام ورحمه الله وبركاتة
ازيكم يا جماعة ؟اخباركم ايه؟
يارب يكون الجميع بخير
الحمد لله يارب تكونى انتى بخير
موضوعى النهاردة مالهوش علاقة ببعض بس حاجات بتدور فى دماغى
فقلت اشوف رايكم ايه؟ قولى ولا يهمك
أول نقطة تفتيش
طبعا مصر او اى دولة تانية او اى حاجة عامة فيها الحلو و فيها الوحش
ليه بقى لما نيجى نتكلم عن الوحش بتاعها الكل يقول
ايه يا جماعة
ليه شايفين نص الكوباية الفاضى بس ؟
لازم تشوفو نص الكوباية المليان
عارفة لية عشان فى الفترة الاخيرة كل الناس بقوا يتكلموا عن المسأوى اكتر لانها للا سف كترت
جدا وبقت فى كل حاجة فى الحكومة وفى الشعب وفى السياسة
ومنقدرش منتكلمش فيها يعنى مثلا الكوسة الى فى بلدنا فى كل مكان تشوفيها
البطالة الى بيوعدوا بقالهم 100 سنة انهم يحلوها
الشعب مبقاش فى ايدة حاجة غير انة يتكلم وللاسف كلامة دة
لبيسمعة حد ولا بينفذة حد ويوم محد يسمع يقول انتة لية دايما بتبصوا على النص الفاضى
اوك
نيجى بقى نشوف نص الكوباية المليان
و نقول مصر فيها حلو كذا و كذا و كذا
نلاقيهم بيقولولنا
انتو كده
سلبيين
عاملين زى النعام بيدفن راسه فى الرمل
لازم تتعلمو تعترفو بمساؤئكم عشان تتصلح و عشان ...و عشان.......الخ
واحنا حتى لو بنتكلم فى السلبيات علطول لازم مننساش الايجابيات
يعنى مثلا الجيل الى قبلينا طلع لقى الجيل الى بعدة مبيبطلش كلام فى السلبيات
طلعنا احنا كمان وراهم يعنى انا وصحبتى مش ورانا كلام غير عن المهازل الى فى البلد
الجيل بقى الى هيكون بعد جيلنا هو كمان لو طلع لاقنا بنتكلم دايما فى السلبيات هو كمان هيكون حالوا زينا
وتستمر الدوامة والفجوة بين الشعب والحكومة وبدأت مؤخرا بين الشعب ونفسة
انا اصلا مش بقيت عارفة اكلم فى اية
السؤال بقى
ايه المطلوب بالضبط مننا؟
تانى نقطة تفتيش
لو انت مثلا جيت تتكلم فى السياسة او فى اى حاجة عامة من اللى ممنوع الكلام فيها
طبعا الكل هيقولك
ياابنى امشى جنب الحيط
لا لا
ده دلوقتى امشى جوا الحيط
السؤال بقى
ياترى لو مشيت جوا الحيط هتبقى جبان؟
طيب لو مش سمعت كلامهم
و عملت اللى انت شايفه صح
و انت بتقول رايك
و اتكلمت برده فى المواضيع اللى بتزعل دى
هل هتبقى طايش و مش بتعرف تحكم ع الامور كويس؟
اما بالنسبة للسياسة فهنا المطلوب الاعتدال يعنى مش اكون سلبية ولا اكون متهورة
تخيلى ان فى ناس ميعرفوش مين رئيس الوزرا
المفروض على الاقل انى افهم الامور ماشية ازاى
لكن هنا فى بلدنا انسى اننا يبقى لينا دور سياسى 
احنا يدوب نعمل مظاهرة
ومش احنا السبب هما السبب
تالت نقطة تفتيش
هو احنا عايزين ايه بقى بالسبة للتعليم
يعنى
عايزين نفهم
و لا نحفظ؟
بمعنى تانى
و احنا فى الثانوية
كنا بنقول اصلا ده نظام........و نظام فاشل
و هما اصلا مش عايزين البلد تتقدم
اوك
جينا للكلية
النظام برده الى حد ما مش اوى
المهم
ليه بقى لو جه دكتور مثلا قالنا يا جماعة افهمو المادة -طبعا المادة دى الفيزيا 
-و ده اللى انا عايزه و فعلا الدكتور عايز يطلع جيل فاهم جيل يعمل حاجة
الكل يدعى عليه بجميع الدعوات اللى ممكن تخطر ع بالكم -طبعا دعوات وحشة-
و الله يا جماعة كنت بتكلم انا وواحدة صاحبتى
قالتلى يا ملاك بصى من الاخر كده انا عايزة حاجة احفظها و اصبها فى دماغى و اروح الامتحان اطلعها فى الورقة و خلاص كده
بقولها يابنتى طيب انتى فى الكلية لازم تفهمى كل حاجة
قالتلى و لو فهمت يعنى
هعمل ايه؟
المهم نفس البنت
فى محاضرة الدكتور اللى عايز يفهم -او هو صراحة مش عايز يفهم اوى هو همه الاول انه يطلع جيل مش حافظ جيل ممكن يعمل حاجة-
المهم
قاعدين طبعا
ساعتين فيزيا
دماغنا خلاص هتنفجر
الكل عايز ينام
طبعا الجماعة اللى فى البينجات اللى ورا نايمين
لاقيت البنت دى بقى
بتقول
يارب يارب
يارب المدرج يولع ينا و بيه عشان نخلص من الفيزيا و همها
بس الغريب بقى
ان نفس البنت بتذم فى التعليم و الاسلوب و المناهج
بالنسبة بقى لجزئية الحفظ والفهم الى عملين نفسهم فلاسفة يقولولك افهمى وممكن يكون كلامهم صح
لكن انا السنة الى فاتت فى تانية ثانوى كان حاجات كتير بتقف قدامى فىالكميا الحل الوحيد الحفظ
وفعلا دخلت الامتحان ورميت كل المعلومات الى فى دماغى وطبقت كدة على كل المواد
وكانت النتيجة الحمد للة جيدة 97 % مش هكدب واقولك حفظت كل حاجة لكن حتى الحاجات
الى بتتفهم بفهما عشان الامتحان وبعد الامتحان باسبوع تلاقينى نسيت كل حاجة الكلام دة بالنسبة لثانوى
اما بالنسبة للجامعة عارفاة تفهمى امتة لما تبقى ضامنة انك لما تتخرجى تشتغلى فى مجال دراستك
انما دلوقتى للاسف خريج التاريخ بيعينوة مدرس اقتصاد منزلى
السؤال بقى
احنا عايزين ايه؟
******************************************
اخر حاجة بقى بعيدا عن الموضوع تماماً
و مالهاش اى علاقة بالموضوع
بس حاجة عايزة اقولها للكل
" ياريت يا جماعة نبقى نعذر بعض فى اخطاءنا
و نحط نفسنا مكان غيرنا
و لما نزعل من بعض نواجه بعض مش نبيع اى حد بيحبنا أو بنحبه و خلاص مش فارقة خالص
و بكرر تانى
الصداقة الصداقة الصداقة
حافظو عليها بكل طاقتكم و الله هنندم لو ضاعت مننا بس يمكن الوقت اللى هنندم فيه مش نعرف نعوضها"
معلش بقى
عملتلكم تشتيت جامد المرة دى
اتمنى الاقى حد دماغه مكانها بعد التشتيت ده كله عشان يرد ع الموضوع