السلام عليكم
معلش يا مروة ,,,,,,,مقدرتش أرد عليكى انبارح
البوابة بتقع عندى كتير والحقيقة أنبارح كان وقتى
مش يسمح انى استنى الشلل المعروف بتاع النت
فقولت لولاء ع الميل انها تعتذر بالنيابة عنى خصوصا انى قفلت صفحة النت من غير ما أعمل تسجيل خروج
فأكيد كنت واضحة أنى أونلاين بس والله أنا كنت خرجت
وواضح أن ولاء طبعا بنت بميت راجل وقامت بالواجب مية مية
المهم يا بنتى أنتى أكيد يعنى مش هتزعلى من أختك الكبيرة
بصى يا حبيبتى
أولا تعالى نفكر بالعقل شوية
انتى بتاخدى مع مدرسين اتنين فى الفيزياء
واحد بتفهمى منة وتمام التمام
والتانى بتخافى منة موت وبيجرح كرامتك
و بتعتبرية زى أبو رجل مسلوخة اللى بنخوف بية العيال الصغيرة
وأى حاجة بيقولها مش بتستعوبيها _على حسب كلامك _ غير لما يشرحهالك مدرس البيت
يبقى يا عمرى بكل صراحة
المدرس دة تضيع وقت
لأ مش بيضيع وقت وبس دة كمان بيأثر عليكى سلبيا وبيعقدك
وخصوصا من كلامك دة مش تصرفات مدرسين
يعنى اية مدرس يشتم بالأهل والدين؟؟؟!!!!!!!!!!!!
بتاع اية يعنى؟؟؟ وبأى حق؟؟؟؟؟؟
علمة واسع,,,,,,,,,مش شرط
الأدب فضلوة عن العلم يا عمرى
ومش شرط انة هو نمبر ون فى منطقتكوا
ان كل اللى هياخد معاة هينجح وماعدا ذلك هيفشل!!!!!
لأ والله.......العملية نسبية فى طلبة ممكن تمشى أمورها مع واحد زى دة
وفى ناس لأ.......واحتمال كبير اأنك تكونى من الناس دول
ومش شرط زى ما قالت ولاء ان أخوكى اتقلم معاة يبقى انتى كمان كدة
ممكن عشان هو ولد والولاد مش بيتأثروا أوى بكدة
لكن البنات الموضوع صعب كتييييييييير بالنسبة ليهم يا عمرى
بصى
لو أنتى مش بتستفيدى منة سيبية غير آسفة أو نادمة
وتابعى مع اللى بيرحيك ويحببك فى المادة
لأن المواد وبالذات الفيزياء الحب فيها مطلوب جدااااااااااااااااا عشان نقدر نجتازها بسلام
ربنا يهديكى للى فية الخير يا قمر
ومعلش مرة تانية
وبالنسبة للفصل ال11 أوعدك قريب ان شاء الله هنزلك خلاصتة
معلش والله اليومين دول والله عندى بلاوى فى الكلية ربنا مايوعدك
فى رعاية الله