[C A N D Y]

المشاركة الأصلية كتبت بواسطة mohammed.el_sadat

الأول حمد لله على السلامه
الله يسلمك...مبروك ع البيررى جوس

نيجى بقه للموضوع الموضوع وبكل بساطه إن اللى ميعرفش يقول عدس
محدش جاب سيرة العدس
يعنى حكم الناس على شخص معين عمره ما هيكون قبول كله ولا رفض كله
انا كلامى هنا عن الاشخاص اللى بيبانوا على حقيقتهم فى الاخر...
ساعتها اكيد حكم الناس كلها عليهم هيكون واحد
و عامة
اى انسان
بيبأى فيه اللى شايفه كويس و فيه اللى شايفه وحش
على حسب ظروف التعامل و النوايا و كدا
بس الغالب
ان الواحد بيبأى معظم الناس شايفينه كويس و ناس معينة شايفة فيه جوانب وحشة....او الناس شاييفينه وحش و ناس معينة شايفة فيه جوانب كويسة
لأنهم لو إتفقو كلهم على شخص واحد يبقى ملاك ولو رفضو كلهم شخص واحد يبقى شطان
وبيتهيألى لسه مفيش حد وصل لدرجه ملاك أو لدرجه شطان

يعنى أنا ممكن أكون معاكى تمام وأخلاق وكويس لكن مع شخص تانى " ...................... " وده بيرجع للراحه لنفسيه للشخص

ممكن أكون حرامى وعارف إنى حرامى وتعبان من جوايا لكن للأسف الظروف مش سامحه ليا إنى أتوب عارف إن ده مش سبب مقنع لكن ده ميمنعشى إنى نفسى أشوف إبنى حاجه كويس وممكن أحلمله إنه يكون ضابط ومش بعيد الحلم يتحقق

بصى مفيش شخص مش نفسه يكون نضيف وكويس وعايش بالحلال كلنا نفسنا نكون طيبين بس أحياناً الظروف اللى بتحكم علينا نكون كده عارف إنك هتقولى ممكن نتحدى الظروف وممكن وممكن بس هل ياترى إنتى إتعرضتى لموقف حقيقى وتحت ضغط رهيب وقررتى ساعتها تتحدى بيتهيألى لاء
زى ما بيقولو
" اللى إيده فى الميه مش زى اللى إيده فى النار "

وبعدين هو عشان الشخص ده وحش يبقى ما ينفعش أبداً ينصحك بإنك تمشى صح يعنى هو أنا عشان مبصليش مينفعش أقولك صلى هو أنا بقولك إوعى تصلى دا أنا بنصحك لمصلحتك هو أنا هستفاد منك إيه
الحتة دى كانت جزء ضغير...
ما علينا
انا قصدى هنا
عايز تنصح حد يبأى انصحه...
عايز تنصح حد بحاجة مش فيك...
يبأى كويس و اهو بردو ممكن تغير من نفسك
انما دا لما يكون غرضك من النصيحة دى حاجة كويسة
و تبأى بتنصح بطريقة كويسة
اللى نصحته خد بالنصيحة يبأى انتو الاتنين ليكو ثوابها
مخادش بيها يبأى خلاص
متعدش بأى تتهمه فى تفكيره
و تنشر عنه كلام وحش
و تسيح و تقول يا ناس دا وحش
مثلا
عندى واحدة صاحبتى قريبها تقدر تقول متدين شوية او عامل فيها متدين...الله اعلم
حصلتلها مشكلة و كانت عايزة تاخد حقها
اعد يقوللها لا ازاى و مينفعش و حقك تاخديه عند ربنا و الحاجات دى
طبعا اصرت انها تاخد حقها
ساعتها اعد يتهمها فى تفكيرها و يقول عنها كلام مش كويس و كدا...من ادامها و من وراها
بعدها بشهور
انا معدية فى الجامعة عند تجارة
لقيت خناقة و ناس جايبين فيها دم
لما لقيت الشخص دا فيها اصريت ان انا اعرف سبب الخناقة
اكتشفت ان حد غلط فى حقه ...و هو بيحاول يرجعه
طب حد زى دا...مين يقبل منه النصيحة؟؟؟؟؟
و مين يحترمه اصلا؟؟؟؟؟
عارف
نسمة جابت مثال حلو كتير
اللى مثلا بيكلم بنات
و يجى ينصح واحد يقولله بطل تكلم بنات
التانى مخدش بنصيحته...و دا من حقه
يبأى خلاص
بس مش تكون انت اصلا بتكلم بنات و لما التانى مخدش بنصيحتك تعد تطلع عنه كلام من وراه و من ادامه
يا ريت تكون فكرتى وصلت

هى المشكله كلها إننا لما بناخد فكره سيئه عن شخص والشخص ده إتعدل عمرنا ما بنغفرله ذنبه مع إن ربنا سبحانه وتعالى بيغفر إحنا العبيد مبنغفرش
مش كل الناس مبتغفرش...بس لازم يشوفو حاجة تدل على ان الشخص دا فعلا اتغير
مع العلم إن الشخص اللى عالى فى نظرنا أوى لأقل غلطه منه بينزل فى نظرنا لسابع أرض
دا طبيعى...الا اذا صحح غلطته او اعتذر عنها او معملهاش تانى
المشكله قبل ما تكون فى الأشخاص اللى إنتى بتحكومى عليهم فالمشكله فيكى إنتى
ما هو انا محكمتش عليهم الا لما قرروا هما يحكموا عليا

ثم ممكن سؤال بسيط
إنتى مين عشان تقيمى شخص وتقولى ده كويس ده وحش دا كذاب دا قلبه كذا دا كذا
" إنما الأعمال بالنيات ولكل إمرأ ما نوى "
اقوللك على حاجة
انتا لسة قايل
اللى ايده فى المية مش زى اللى ايده فى النار
دى اقتباسات من ردودك...و ممكن اجيبلك ادها 10 مرات

دا اللى انت كتبته لما كنت مخنوق...و الاقتباس الاول بالذات يبين انك دخلت جوا نوايا الناس دى...ارجع بأى للمثال اللى انا لسة كاتباه من شوية

مين قالك إن رأيك فى شخص مش ممكن يسقطه فى نظر ناس تانيه مع العلم إنك ممكن تكونى ظلماها
لما يبأى رأيى صح...و شايفة ان دا مش رأيى انا لواحدى...دا رأى معظم الناس اللى يعرفو الشخص دا على حقيقته...يبأى مش لازم حد يقوللى
مشكلتنا إننا بندور على عيوب بعض بمنقاش ماشين نفصص وراهم على الرغم من إننا من أولنا لأخرنا عيوب
" عيوبى لا أرها وعيوب الناس أجرى وراها "

عيوبى الحمد لله عارفاها كويس لانها اتقالتلى اكتر من مرة
و على فكرة....حضرتك فى ردك حكمت بحاجات كتير

بين وبيتك أنا لو إتكملت هتكلم كتير وأنا مش عاوز أطول عليكى فهكتفى بالجزء ده من الرد

لا طول براحتك

الموضوع للنقاش