قرارات الوزارة بخصوص الضرب والايذاء النفسى والبدنى كلها قرارات لازمه وضرورية وانا مش فاهم الزملاء اللى بيعتبروا القرارات ديه اهانه فى حقهم وهل الكرامة ان يطيح المعلم فى ابناءه سعيا وراء كسب حرام لايرضى عنه الله عز وجل ولا الضمير الانسانى للاسف انا بدات اشوف فى المنتدى موضوعات غير محسوبه واجد من يصفق لها من الاخوه الزملاء وهاقول حاجة للاسف ممكن تزعل الكتير منى للاسف يا اخوه الكير من المعلمين بدا يفقد الاحساس بابناءه ولايشعر بمشكلاتهم النفسية لانه للاسف مش فاضى لبيته الصبح فى المدرسة وبعد العصر فى العيادة وطبعا يروح البيت فى وقت متاخر تعبان ومرهق ومش فاضى ان يسمع شكوى ابنه او بنته من مدرس ضربه او شتمه عيشوا مشاكل اولادكم فى بيوتكم هتحسوا بمشاكل اولادكم فى المدرسة لكن مش طبيعى اننا نعترض على كل شىء بالشكل المخزى ده وهنا اطرح سؤال مهم هل تجد ان منع الضرب والشتم فى المدارس سوف يهز عرش سلطانك كمعلم ؟ هل شخصيتك ضعيفة لهذه الدرجة التى ترى فيها ضرورة استخدام القوه والبطش مع الابناء ؟ هل ترى ان رزقك سوف يقل اذا منع الضرب والايذاء ؟ ( استغفر اللة العظيم ) اذكركم واذكر نفسى ......... لنتق اللة فى ابناءنا
|