[..حدوتة..]

المشاركة الأصلية كتبت بواسطة dr.saeed

السلام عليكم ورحمة الله وبركاته
اولا ازيكم يا جماعة عاملين ايه؟
يارب تكونوا بخير
الحمد لله
دلوقتى فى موضوع مهم الواحد فكر فيه كتير لقصص كتير شفتها بعينى ادامى من ناس كتير عرفتها سواء على النت او على الحقيقة
جرب كدة تعمل موضوع عن معنى الصداقة اهميتها راى الحكماء فيها؟
هاتلاقى كل الردود
الصديق الوفى ماعدشى موجود
الصديق الوفى ان كان موجود يبقى نادر جدا
طب ماشى
لما كلنا رأينا كدة؟
يبقى العيب فى مين بقى؟
اكيد مننا
يعنى انا وانت وانتى وحضرتك
طالما كلنا شايفين ان احنا الاصدقاء المثاليين
واصحابنا كلنا هما الى مش كدة
يبقى هل العيب فيهم بس؟
لا طبعا
طب وطالما كل واحد حاطط فى دماغه
ان التانى مش وفى
امال مين فينا الى وفى؟
كلنا بس بطريقتنا
حاجة بسيطة ممكن نيتدى فيها نتكلم فى المشكلة
البعض بياخد معنى الصداقة على وجه طفولى شوية
بمعنى
انى وفى مع الاخ دة وانى صاحبه من زمان
يبقى لازم دة يحكيلى كل حاجة عنه
زى مانا بحكيله هو كمان يعمل زيى ولا انا أثق فيه وهو لا؟
مش شرط بس الواحد بيكون متوقع ان فى ثقة متبادلة
وناس تانية تاخدها ان الصاحب مفروض يسيب كل حالته وشغله ويفضل يسمع لصحابه؟
دى تبقى قمة الانانية
طب مثال حقيقى مختلف عن الى فاتوا
فى مرة سألت مين أقرب واحد للنبى صلى الله عليه وسلم ومن قبل الاسلام كمان؟
اتقالى
أبو بكر الصديق اكيد
سالت تانى
مين أمين السر النبوى؟
اتقالى
ايه هو مش سيدنا أبو بكر
ماشى النبى صلى الله عليه وسلم وابو بكر الصديق أصدقاء واخوة بجد
بس امين السر النبوى هو حذيفة بن اليمام
شكرا ع المعلومة
حاجة تانية
ليه بلاقى الاصدقاء غالبا فى العصر دة بيختلفوا كتير ويفقوا مع بعض على التافه؟
عشان الشباب بقى دلوقتى اصلا تافهه ودى ليها اسبابها اللى هى مش موضوعنا دلوقتى
ليه لما بيحصل بينهم مشكلة او تسمع من واحد بعيد انه قال عنك كدة مش تروحله تقوله قلت كدة وليه؟
حاجة صعبة اوى لما تروح لوحد صحبك وتقوله انا عرفت انك عملت كده
هو انت عملت كده فعلا؟
معنى كده انك مش واثق فيه
يمكن اى فعلا قال كدة بس لسبب معين
خاصة انكك مش بتتعامل مع نبى
انتى بتتعامل مع بشر من سهل ان يزل وبخطىء
الحاجة التالتة
ليه البنات بالذات الاقى كل بنت تقول البنات بيغيروا اوى منى
طب طالما كل واحد شايفه ان كل البنات الغيرة عندهم عالية اوى وغير محمودة
يبقى مين فيهم الى فعلا بيغير غيرة مش كويسة؟
اسمحلى
انت مكنتش بنت عشن تعرف يعنى ايه الغيرة بين البنات
الحاجة الرابعة
البحث عن صديق
ودة اهم شىء
ليه لما نيجى نصاحب
نختار من الوسط المحيط وخلاص
حتى لو البيئة مش كويسة
اهم اصحاب وقريبين منى وشايفهم على طول وخلاص؟
ليه مش بناخد بالنا اوى ان الاصحاب هم اكتر حاجة تأثر على شخصية الواحد عشان كدة لازم نختارهم بدقة وبعناية بجد
بندور عليهم حوالينا عشان هو ده المتاح

الحاجة الخامسة
ليه لما بيكون جواك حاجة معينة من صديقك تفضل حاططها فى قلبك
وطبعا اكيد صاحبك دة بيغلط اكتر من غلط لانى زى ما قلت مش نبى
وانت ولا مرة تصارحه
بالعكس
تفضل سايبه يغلط يغلط
وانت قلبك يشيل منه أكتر
وفى الاخر تاخد القرار انى ابعد عن الشخص دة نهائيا
من كتر تراكم المواقف طبعا واحد على التانى
مش كل الناس كده
لما بتيجى تتكلم كل مرة بيقولك هو انت بتقفلى ع الواحدة
المفروض الانسان يسامح
ويعدى
مش يركز فى كل كلمة
الحاجة السادسة
تقول هو صاحبى بقى بيمشى مع الواد دة كتير ليه؟
ليه بقى بيمشى مع دة اكتر منى؟
هو خلاص نسانى ولا ايه؟
وممكن يكون الشخص دةأقرب واحد ليه فى المحيط الدراسى
فيكون التعامل معاه كتير
وفى نفس الوقت بيبتدى السؤال يقل شوية بين الاصدقاء لان فيه كليات زى هندسة عندنا مثلا مش بيلاقوا وقت اصلا يذاكروا فيه
عشان حضرتك اللى بيحب حاجة عايزها تبقى بتاعته
حتى لو كانت الحاجة دى انسان من لحم ودم
الحاجاة السابعة
ودى من أغرب الحاجات
انتى يا بنى
انا معجب بالبنت دى؟
وهو كمان يكون معجب بيها
الله
ازاى؟
مش مفروض ياخد باله
مش لازم يسالنى الاول
وتبتدى بينهم حاجات ممكن الاطفال يتحرجوا من انهم يعملوها
عشان واحد فيهم يعرف يكلمها والكلام دة
وكذلك مع البنات بس الموقف بالعكس طبعا
تانى البنات
انت متعرفش ان فى بنات ممكن يتسابقو مين الى تعرف توقع الولد ده
خليك بعيد عن البنات عشان عمرك ماهتعرف هما بيفكرو ازاى
طبعا دى بعض المواقف الرئيسية الى بين الاصحاب
والى بتحصل ونرجع نقول ما فيش اصدقاء أوفياء
وطبعا كل واحد فينا فيه عيب معين
أى واحد
فيه عيب
بس هل انت هاتستحمل عيب صاحبك
ولا واحدة بواحدة هاتمل من العيب دة
وتصاحب غيره
يطلع فيه عيب تانى
تستحمله لانه فيه صفات كويسة
وتسيبه لما تمل من العيب دة؟
بص يامعلم احم احم قصدى يادكتور
فى عيوب ممكن الانسن يستحملها
مثلا انك تكون مصاحب واحد عصبى
اوبيزعل من اى حاجة
ممكن تكيف نفسك معاه
لكن فى عيوب الواحد مايستحملهاش
زى اان صاحبك يطلع اسرارك بره
واكتر من كده انه يسمح لنفسه انه يتصرف فى خصوصياتك بدون اذنك
والمصيبة اكبر لو كانت المواقف دى بين بنات
الموضوع طويل شوية
والكلام فيه كتير اوى
لو حد عنده موقف معين ممكن يقوله ومش لازم ذكر اسماء لان المواقف فى الموضع دة أكيد كتير
وفيه أكيد ناس لما شافت الكلام حست انه منطبق عليها
والسؤال الاخير؟
مين الى وفى ومين الى بيضيع الصداقة بجد؟
بص كلنا بنغلط
بس مفيش حد بيسامح
واحنا كمان ساعات كتير وى مش بنسامح
وبعدين نطلب مالناس ان هى تبقى صادقة معانا
احنا كده بنطلب المستحيل


فى امان الله

بص ياباشا
يوووووووووووووه
سورى يادكتور
الناس طبايعها بتختلف من واحد لواحد
ياما تصاحب حده طبعه زى طبعك
وغلب ده بيسببلك ملل
تحس نك ماشى مع نفسك
او تصاحب حد طبعه مش زيك
بس يكون مرن
يعنى مستعد لتحمل اى تصرف منك
او انك نفسك تكون مرن
وتغير شخصيتك على حسب الانسان اللى انت مصاحبه
بس
فى رعاية الله