[همس]

المشاركة الأصلية كتبت بواسطة dr.zomba

ولا اقول هنا؟

اقول الملخص

ملخص الكلام ان في ناس هنا في المنتدي انا ميشرفنيش اني اشتغل تحت ادارتهم لاني عارف انهم من النوع اللي بيحبوا يتنططوا بالصلاحيات وهما والله ما يستحقوها بس زي ما تقولي كدا ( اللي يديني وضعي احطه فوق راسي )

بس دول فعلا قلة بس مهما كان الموضوع ميستهلش اني اقلل من نفسي وابقي مشرف تحت الاشخاص دول

المنتدي دلوقتي لو دخلت النت لقيته واقع هيبقي عادي جدا هقضيها فيس بوك وايميلات وبتاع مفيش فيس بوك يبقي في جيمز علي الكمبيوتر ( اوعي حد يقولي طب ما تقوم تذاكر عشان مزعلش منه ) ولو المنتدي موجود بدخل اقضيها شويه

بس اللي عايز اقوله ان بصراحهالاستاذ عصام واستاذ حسام و المشرفين بجد شايفين شغلهم علي افضل حال اينعم في مجاملات بالعبيييييييط في التعيين والترقيه بس لو مشرف جديد وغلبان وقصر بيتشال انما لو كان اشتغل كويس فترة وريح شوية بيكون له عذره



و اديني عملت بنصيحتك اهو ومكتمتش في نفسي

معلش انا فهمت الجملة الي بالأحمر ومش عارفة يمكن اكون فهمت غلط

بص يا عادل هتكلم بمنتهى الصراحة


بالنسبة لترقية اسلام والسادات مش هتكلم فيها كتير ومش هقول مين فيهم يستحق ومين لا لان كل واحد ليه وجهة نظر وكل واحد شايف ان واحد منهم بس الي يستحق وفي ناس شايفة انهم الاتنين يستحقوا ... ما علينا

بالنسبة بقى للورد ... الي بقى مشرف اداري ... مش فاهمة ايه المجاملة الي ممكن تكون في ترقيته ؟؟؟

هو نشيط جدا ما شاء الله ... ومش ليه مشاكل مع اي حد من الاعضاء او المشرفين او الادارة

تقدر تقول الاداري الوحيد هنا الي ماشي في حاله ربنا يكرمه وشايف شغله كويس


محمود طه .... مش هتكلم كتير مجاملة ايه بقى الي في تعينه مش هقولك اشرف ومحمود طول عمرهم حبايب ... اقصد يعني بيحصل شد في الكلام واعتراض على اسلوب اشرف من ناحية محمود كتير

فين البقى العبيط في ترقيته

اشرف طبعا خلاه اداري عشان شغله وعشان هو نشيط

مع العلم ان محمود مش بيتأثر بالكلام دا.. زي ما هو وبرده لما مش بتعجبه حاجة بيقول في اشرف او في غيره



همس .. الي هي على ما اعتقد انا ... واعوذ بالله من كلمة انا

مش عارفة ايه المجاملة في اني اكون ادارية او العبط ... في ناس كتييييييييير اوي فاكرنها رشوة من الاستاذ اشرف

وكلام خايب سوري يعني ومش ليه اي لزمة و آل ايه ؟؟ عشان اسكت ومش اتكلم .... لا انا بتكلم وبقول ومش ساكتة خالص ... والي مش بيعجبني بقوله بدون تردد تقدروا تسألوا استاذ اشرف .. هل انا اتغيرت ؟؟ وفرحانة بقى اني بقيت نبيتي وسكت ومش بقيت اتكلم بقى والحوارات دي

الي في ناس كتير اوي بتفكر فيها وقالتها علني


اصل هي شتمتك وانت مش عرفت ترد عليها يا اشرف رحت عينتها عشان تسكت

وكلام بجد عيب يتقال

لاني مش شتمت حد ولا قليت ادبي على حد .. انا اينعم ( على رايك) هاجمت وقلت الي عندي بس مش شتمت ولازلت محتفظة بالي قلته ومصممة عليه بغض النظر ايه هو ما علينا

وحكاية اني ادارية انا طبعا كنت رافضة رفض نهائي لولا ان اسلام اقنعني وقالي وافقي وخليكي معانا .. مش كنت وافقت خالص

لاني مش يهمني اكون عضوة او مشرفة او مشرفة سوبر او ادارية او نائبة ادارة او حتى صاحبة الموقع .... ودا في الاحلام طبعا

كل الي يهمني اشتغل وبس في الموقع واساعد الناس الكويسة الي هنا ... وافضل وسط الناس الطيبين الي هنا والبنات المحترمة الي عرفتهم من المنتدى ....

طبعا انا كل كلامي دا عشان لو قصدك زي ما انا فهمت

لو مش قصدك يا عادل يبقى عشان الي في باله الكلام دا يبقى انا رديت على الي نفسه والي في باله


.......................

اسفة على الاطالة