[د/ ماجدولين]

السلام عليكم و رحمة الله

ازيكم يا جماعة ؟اخباركم ايه؟
يارب يكون الجميع بخير

موضوعى النهاردة مالهوش علاقة ببعض بس حاجات بتدور فى دماغى
فقلت اشوف رايكم ايه؟

ماشى يا ملاك قولى قولى ولا يهمك

أول نقطة تفتيش

طبعا مصر او اى دولة تانية او اى حاجة عامة فيها الحلو و فيها الوحش
ليه بقى لما نيجى نتكلم عن الوحش بتاعها الكل يقول
ايه يا جماعة
ليه شايفين نص الكوباية الفاضى بس ؟
لازم تشوفو نص الكوباية المليان

اوك
نيجى بقى نشوف نص الكوباية المليان
و نقول مصر فيها حلو كذا و كذا و كذا

نلاقيهم بيقولولنا
انتو كده
سلبيين
عاملين زى النعام بيدفن راسه فى الرمل
لازم تتعلمو تعترفو بمساؤئكم عشان تتصلح و عشان ...و عشان.......الخ

السؤال بقى
ايه المطلوب بالضبط مننا؟

المطلوب نوع من التوازن يا قمر
نشوف الأمور بواقعية
لو هى كويسة خير وبركة
ولو مش كويسة
مش لازم بقى نقعد نجمل فيها
التفاؤل والواقعيةاخوات يا ملاك
لايفرق بينهم الا.......
وعلى فكرة مش لازم كل كباية يبقى نصها مليان و نصها فاضى

تانى نقطة تفتيش

لو انت مثلا جيت تتكلم فى السياسة او فى اى حاجة عامة من اللى ممنوع الكلام فيها

طبعا الكل هيقولك
ياابنى امشى جنب الحيط
لا لا
ده دلوقتى امشى جوا الحيط

السؤال بقى

ياترى لو مشيت جوا الحيط هتبقى جبان؟
طيب لو مش سمعت كلامهم
و عملت اللى انت شايفه صح
و انت بتقول رايك
و اتكلمت برده فى المواضيع اللى بتزعل دى
هل هتبقى طايش و مش بتعرف تحكم ع الامور كويس؟

بصى يا ملاك
دلوقتى لو أنا بجد عاوز أخدم البلد دى
وهخدمها بالعلم مثلا
وعارف ان السياسة ممكن تودينى ورا الشمس
ساعهتا هبقى لا طولت بلح الشام ولا عنب اليمن
ولا خدمت لا بالعلم ولا بالسياسة
أنا أركز فى الجانب اللى هفيد بية بلدى
ولو حد هيخدم بلدى فى مجال السياسة يبقى أوكى
يتكلم براحتة
ويفتكر ان الحق دايما أعداءة كتيييير
ومفيش تقدم من غير تضحية
يعنى يا ملاك العملية نسبية مش مطلقة
وبتختلف من واحد للتانى
كل واحد عارف هدفة وعارف الطرق بتاعتة
لو كلامى فى السياسة هيحقق هدفى أوكى
لو مش هيحقق يبقى بلاش

تالت نقطة تفتيش

هو احنا عايزين ايه بقى بالسبة للتعليم
يعنى
عايزين نفهم
و لا نحفظ؟

بمعنى تانى

و احنا فى الثانوية
كنا بنقول اصلا ده نظام........و نظام فاشل
و هما اصلا مش عايزين البلد تتقدم
اوك
جينا للكلية
النظام برده الى حد ما مش اوى
المهم
ليه بقى لو جه دكتور مثلا قالنا يا جماعة افهمو المادة -طبعا المادة دى الفيزيا -و ده اللى انا عايزه و فعلا الدكتور عايز يطلع جيل فاهم جيل يعمل حاجة

الكل يدعى عليه بجميع الدعوات اللى ممكن تخطر ع بالكم -طبعا دعوات وحشة-
و الله يا جماعة كنت بتكلم انا وواحدة صاحبتى
قالتلى يا ملاك بصى من الاخر كده انا عايزة حاجة احفظها و اصبها فى دماغى و اروح الامتحان اطلعها فى الورقة و خلاص كده
بقولها يابنتى طيب انتى فى الكلية لازم تفهمى كل حاجة
قالتلى و لو فهمت يعنى
هعمل ايه؟
المهم نفس البنت
فى محاضرة الدكتور اللى عايز يفهم -او هو صراحة مش عايز يفهم اوى هو همه الاول انه يطلع جيل مش حافظ جيل ممكن يعمل حاجة-
المهم
قاعدين طبعا
ساعتين فيزيا
دماغنا خلاص هتنفجر
الكل عايز ينام
طبعا الجماعة اللى فى البينجات اللى ورا نايمين
لاقيت البنت دى بقى
بتقول
يارب يارب
يارب المدرج يولع ينا و بيه عشان نخلص من الفيزيا و همها
بس الغريب بقى
ان نفس البنت بتذم فى التعليم و الاسلوب و المناهج

السؤال بقى
احنا عايزين ايه؟

ملاك
بصى يا قمر......مش ينفع واحد عاش حياتى كلها بنظام معين
ونطالبة انة يقلب النظام دة بين يوم وليلة
احنا من يوم ماقولنا يا تعليم واحنا عاملين زى الرسيفر اللى بيستقبل المعلومات
ازاى فجأة كدة وبقدرة قادر عاوزانا نغير من حاجات شربناها من صغرنا حتى النخاع
حبيبتى والله العظيم أحنا تلات تربع دفعتنا بتروح للدكتور عشان تقولة ترجملى الكلمة دى
السطر دة حضرتك مش قولتة
طب يا بنى ما تحاول؟؟؟؟
افتح القاموس وترجم!!!!!!!!!
لأ احنا اتعودنا ع اننا ناخد العلم بالمعلقة
وفى الجامعة بيطالبونا بالمنهج البحثى والنقدى والكلام الكبير دة
صح النوم يا سادة
بقالكوا 17 سنة بتربونا اننا نفكر دايما جوة الصندوق
منهاجكوا العقيمة قتلت فينا الإبداع والتميز والإبتكار
وفجأة عاوزينا نغير من نفسنا 180 درجة
حرااااااااام بجد
بس كل واحد بقى يا حبى يحاول انة يعلم نفسة ازااااى يتعلم صح
يعنى ياخد خطوة
فأن شتعل شمعة خير من أن تلعن الظلام
ولازم نلحق الأجيال اللى طالعة ونربيها صح....ولا اية يا قلبى؟؟؟!!!
واحنا بقى,,,,,,,لنا الله

الصداقة الصداقة الصداقة
حافظو عليها بكل طاقتكم و الله هنندم لو ضاعت مننا بس يمكن الوقت اللى هنندم فيه مش نعرف نعوضها"

أوعدك يا ملاك
لو لاقيتها بمعناها الحقيقى عمرى ما هفرط فيها
بس آلاقيها
***************************
شكرا يا قمر ع التوبيك

خلصتى امتحاناتك بقى وفضتيلنا
اة صحيح,,,,,,,أنا عارفة انى نورت الموضوع