[محمد.فوكس]

فعلا الكلية جميلة و مهمة .. لانها ببساطة كلية كل العلوم.
و لو سألت اي حد تفتكر ايه الكلية اللي تناسب ان تخرج العلماء .. الاجابة هتكون العلوم لان حتى باين من الاسم.
و انا احب بس ابدي اعجابي بالموضوع .. و كمان الصحفي احمد المسلماني في برنامجه الطبعة الاولى كثيرا ما يذكر كلية العلوم
و يقول انها الطريق للتقدم و في فترة التنسيق حث الطلاب على ان يضعوها في مقدمة رغباتهم و يذكر اشهر و اعظم خريجيها.
و الكلية كمان بتدي خدمات لكليات تانية بتحتاج لدراسة الكيمياء و الفيزياء ..الخ .. زي طبعا الصيدلة و طب الاسنان.
و حتى العلاج الطبي مرتبط بيها .. يعني اساتذة الكيمياء في كليات العلوم عاملين ابحاث كتير اوي في مجال الادوية و العقاقير و كمان السرطان.. و العلوم الهندسية محتاجة الفيزياء و الكيمياء و الجيولوجيا لدراسة خواص المواد طبيعة الارض .. و برضه الحاجات دي ليها اساتذتها في كليات الطب و الهندسة طبعا.
بس ملحوظة : د.احمد زويل قسم كيمياء على حد علمي .. و على فكرة النهاردة الجرايد كاتبة ان في مؤتمر للدكتور زويل عن الميكرسكوب الالكتروني رباعي الابعاد اللي بيصور الذرة .. و اللي العلماء بيتوقعوا ان يحدث ثورة في جميع المجالات كالطب و الصناعة.
و انا شخصيا متوقع نوبل اخرى ان شاء الله.