وانا كمان زهقانة تصوري
ازيك يا دودو الاول وعودة حميدة
نيجي بقى للموضوع
الا الاول هو ليه الناس كلها بقت يائسة وبائسة ومتضايقة وزعلانة ومقهورة ومظلومة
مش عارفة لما يتعمل موضوع الناس كلها تدخل تشتكي
مفيش ثقة
انا مظلوم
مفيش صديق بجد
البلد حالتها هباب
انا حاسة (ودة الاكيد طبعا) انه كل الاعضاء (وحتى انا عشان اكون حيادية) ف حياتنا عاديين
بنزعل حبة وبنفرح حبة بنظلم ونتظلم بنخون وبنتخان
(بلاش الخيانة دي جامدة اوي خلينا نقول بنندل مع صحابنا ، مع اللي عشمانين فينا)
عادي يعني
زي ما بيحصل الحلو بيحصل الوحش ودة بيشيل دة والحياة ماشية
ايه بقى غيامة الكابة اللي مخيمة على الركن العام دي
ولا انا يمكن بيتهيالي مش عارفة
المهم اني لو حاولت ادخل المنتدى ارفه عن نفسي الاقي الحياة صعبة هنا عن بره
مع ان بيحصل بره اصعب بكتييييييير من اللي بيتحكي هنا
واخر الحكاوي صفحة نت وبتتقفل وجهاز بيتطفي
واشيل هم على همي
عارفة اني بعيدة تماما عن الموضوع
واحتمال اكون خرفت كمان
بس بحاول ابطل اتكلم واتكلم واتكلم
لان فيه كلمة سمعتها
اللي بيقول مبيعملش واللي بيعمل مابيقولش
وهو دة المفيد بصراحة
عارفة
نورك مروري
