بصى
انا كنت يوميا الهاند فرى ف ودنى
على طول اغانى عربى وانجليش وفرينش
والكومبيوتر والموبايل مفيش فيهم سبيس عشان احط حاجة اصلا
وكنت باسرح ف دنيا تانية مع الاغانى اللى باحبها
لكن كنت دايما حاسة بالذنب
حاسة ان الوقت اللى باضيعه ف الاغانى .. حتى لو وقت فراغ
ممكن اسمع فيه قرآن
اسمع اى حاجة تانية غير الاغانى
وبرضو ماكنتش عارفة ابطلها لانها بقت عادة
وبجد
كنت باخجل من نفسى جدا
لما الاقى جروب اصحابى مشغلين اغانى وبيغنوا والاقى نفسى فاكرة كلمات الاغنية وعارفاها كويس
بس لما اسمع قرآن ابقى كأنى باسمعه لاول مرة
ومابطلتهاش غير من فترة قريبة جدا بعد ظروف وفاة جدتى
عشان حسيت ان انا كمان ممكن اموت ف اى لحظة
ومش هاقدر اقابل ربنا كدة
واضح ان كل حد فينا لازم تحصله حاجة توجعه اوى عشان يفهم ان اللى هو فيه ده غلط !!
جزاكى الله كل خير على مواضيعك الاكثر من رائعة
وجعله بميزان حسناتك
اقتباس:
المشاركة الأصلية كتبت بواسطة g.zohiry
(بس يا جماعه عايزه اقول حاجه..من اهم الاسباب اللي هتثبتك علي الطريق ده الصحبه الصالحه..وابعد تماما عن صحبه السووء صدقنى هترجعك تانى للموضوع ده..
يللا يا جماعه عيزين ناخد خطوه ايجابيه في حياتنا بقي..)
|
معاكى حق
الاصحاب ليهم اكبر تأثير على الانسان
ويا اما يشدوه للصح او للغلط
اقتباس:
المشاركة الأصلية كتبت بواسطة المجاهد فى سبيل الله
ولاكنى لا احلها ولا احرمها حيث انه لا يوجد حديث قطعى يحرمها والحديث الحضرتك مكتوب عليه صححه البخارى يا ريت ترجعى صحيح البخارى تانى مش حتلاقه مفيش اى حديث صحيح ورد فى حكم الغناء الا إجزام ابن عباس على الايه فقط
|
متهيألى إجزام ابن عباس على الآية كافى جدا
اقتباس:
المشاركة الأصلية كتبت بواسطة الشفق الباكي
بصى معلش لو جينا نتكلم ياريت نتكلم عن احاديث شريفه وايات
لان معظم الشيوخ اللى بيقولوا الغناء والموسيقى حرام بنلاقى فى شرايطهم وبرامجهم انشاد وموسيقى
وفى شيوخ بتختلف على انها حرام او حلال فياريت الاثبات والدليل القاطع يبقى من السنه والقرآن
|
ناس كتير ممكن تقرا كل الموضوع وكل الردود ومايعجبهاش غير الردين دول
لانهم بيكونوا عايزين اى كلمة تحلل اللى بيعملوه
واوقات مش بتفرق معاهم اصلا
يلا ربنا يهدى
بس بجد يا رييييت نجتنب الشبهات
مش يبقى فيه كذا دليل انها حرام
ونمسك ف كلمة حد قالها ولو من غير دليل
احنا بنعمل حاجات كتيرة اوى غلط
مش ناقصة بقى !!
---
ويا ريت ناخد بالنا من كلامنا
عشان انا عارفة كويس تأثير الحاجات دى
لان كتير كنت باشوف مواضيع تحريم الغناء
وكنت بادور على رد واحد يقول انها مش حرام
وبامسك فيه ومش باصدق غيره
او على الاقل اقول ادينى باسمع لحد ما اتأكد انها حرام
وده اللى بيحصل مع كل الناس
وعن أبي هريرة رضي الله عنه عن النبي صلى الله عليه وسلم قال: (إن العبد ليتكلم بالكلمة من رضوان الله لا يلقي لها بالاً يرفعه الله بها درجات، وإن العبد ليتكلم بالكلمة من سخط الله لا يلقي لا بالاً يهوي بها في جهنم)
وآخر حاجة عايزة اقولها
ان لما حد بيبطل يسمع اغانى
بيحس براحة نفسية كبيرة اوى
لو الاغانى مش حرام
مكانش هايحس بالراحة دى
ربنا يهدينا جميعا