[محمد رافع 52]

المشاركة الأصلية كتبت بواسطة ورك النمله

والله يا أخ محمد الكلام اللي حضرتك كتبته ده كلام زي الفل بس للأسف حضرتك عارف ان احنا هنا في مصر يعني يدوبك ينفع الكلام ده موضوع تعبير وياخد عشره على عشره . ( مع احترامي للكلام ) .
بالنسبه للموضوع ممكن يبقى مقصور فقط على البيت والمجتمع ولو هتتكلم على ان الواحد بيتأثر بمين أكتر فأكيد بالشارع لأن انت عارف الواحد يوميا من درسين إلى تلاته يعني بتقعد من 4 الى 6 ساعات يوميا بره البيت وشايف صحابك وعاوز تبقى زيهم وأحسن , فمثلا بتشوف صاحبك فلان لابس تيشيرت معين تلاقي نفسك تاني يوم رايح تشتري تيشيرت أحسن شويه أو المستر مثلا عمل امتحان فأي مادة وصاحبك جاب 29من 30 وانت 28.5 من 30 بتلاقي نفسك زعلان .
لكن قولي حد شاف والده لابس جلابيه بيضا يوم الجمعه ونازل يصلي مع بداية القران حاول يعمل زيه .
يعني دي الأمثله اللي جات في دماغي وانا بكتب الموضوع على العموم الخلاصه احنا بنحاول نمشي مع اللي الناس ماشيه بيه وخاصة صحابنا .
وده مش معناه إلغاء دور البيت أكيد برده وانت بتجيب التيشيرت سألت والدك أو والدتك وانتو بتشتروه .
فالأنسان مش عايش لوحده وبيتأثر بأهله ومجتمعه وعاداته وتقاليده .

وميرسي جدا على الموضوع .

اخى الفاضل انا معاك ان احنا للاسف فى هذه الايام لما يكون الموضوع شويه نموزجى نقول انه كلام وخلاص
لكن الحقيقة ان الظروف بتنسينا الواقع اللى مفروض يكون
ربنا والحمد لله انعم علينا بنعم كثيرة جدا لا تعد ولا تحصى ومنها نعمة العقل والاسلام العقل بيقول ان احنا نختار ما فيه صالح لنا اليوم وغدا للاسف اصبحنا ننظر لليوم فقط
المطلوب ان احنا نبحث عن الافضل ونحاول تكيف انفسنا عليه
لان التغير هيتم بينا ومنا مش من حد ثان
فالذى هو ابن اليوم سيكون اب غدا لان هذه هى الحياة تستمر وتتبدل الادوار ولا تبقى على حالها
فلماذا لانغير حتى تستفيد اولادنا واحفادونا حتى نحصل منهم ولو بدعوة خالصة
ربنا يهدينا الى مايصلح احوالنا فى البيت وفى المدرسة وفى الشارع وفى اى مكان

وشكرا على مشاركتكم