[اوركيديا]

المشاركة الأصلية كتبت بواسطة mr.lonely

بعد التحية و السلام

انا هابدأ الموضوع بحكاية صغيرة
كانت موجودة في الجرايد من اسبوع او اكتر شوية

بتقول ان ايام ما كانوا بيحفروا في مترو الانفاق
في ونش كبير اتسرق من هناك!!
ونش اتسرق في النهار قدام الناس ( دي ما بتحصلش في شيكاغو )

المهم وبعد عشرين سنة
لسة جايين يلاقوه في حي شعبي في القاهرة

اها
سمعت عن الموضوع ده
بجد ضحكت ضحك على نفسنا
ده الاهالى كانوا بيصرخوا من الونش عشان ممكن يوقع فى اى وقت
و ممكن يخلى العمارات تقع
سيعتها منى الشاذلى قالت
المفروض نحط الونش ده فى ميدان التحرير
رمز لمصر كلها
__________________________________________________ _________________

طيب ايه علاقة ده باللي عايز اتكلم عليه؟؟

egypt 2008
بقت عاملة زي الونش ده

بتتسرق و تتنهب و احنا ماوراناش غير اننا نعمل مسابقات
اكسب معانا و اتصل 0900 و ابقي قابلني لو الخط جمع
الناس كلها بتتظلم

الطفل المصري

عادي خالص ! يروح المدرسة
غير نظيفة غير جميلة غير متطورة غير منتجة

يدخل الحصة
المدرسين ( بعضهم )
يدخلوا ......... مين ما عملش الواجب؟؟
طيب تعالوا هنا يا ولاد الـ .....
و هات يا ضرب لغاية ما يخلص علي واحد فيهم
ده بقى شئ عادى
و الادهى و الامر ان فيه ناس تطلع تبرر الموقف
طاب ده حتى اللى عمله نفسه مش بيقدر يبرر
ما بالك بينا احنا


الشاب الجامعي

برضو عادي خالص

مهازل الجامعات .... الطلبة و الدكاترة ( برضو بعضهم )
ما وراهمشي غير الالبوم الجديد
و الدكاترة يشوفوا مين اللي ما بياخدش عندهم درس
و ينزلوا بدرجته الارض

اممممم
صراحه انا فى الحته دى مش متفقه مع حضرتك
بس حوالى 90 %
ال 10 % الباقيين بيحاولوا يثبتوا على شويه الدين و العقل اللى عندهم

الموظف

اذا كان في بلده

المرتب قليل
المدير متضايق منه 24 ساعة
و ابقي قابلني علي ما يجيب الشقة و يعيش زي اي انسان

و لو بره بلده

مالوش غير الجلد!!
و علي عينك يا تاجر اللي ما يشتري يتفرج
اها حضرتك بتتكلم على الطبيبين
و الله فعلا احنا ملناش تمن عند نفسنا
حيبقالنا بره
طاب ازاى
ان الله لا يغير ما بقوم حتى يغيروا ما بانفسهم

الانسان المريض اللي معاهوش فلوس يتعالج بيها

اي دكتور ( قصدي جزار )

يقول له تعالي هاعالجك بثمن قليل

و بعدين مايحصلش حاجة غير ان كليته اتسرقت
و اترمي تحت الكوبري

ربنا يحفظنا
__________________________________________________ _________________

طبعا في امثلة كتير مشرفة للانسان المصري بس للاسف
هي كام سنة ما تلاقهوش في بلده

و اخر حاجة علشان طولت عليكو

انا مقيم برا مصر و سافرت قبل كدة كندا
و ما شفتش كمية من الاهمال و السرقة زي دي!!

و بمناسبة بيع مصر
كل واحد يلحق نصيبه في الهرم الكبير

كل واحد له لوح طوب هناك
بادر بحجز نسختك!!

تقبلوا تحياتي

ما هو مش حتبقى فى صكوك
يبقى خلاص
كل واحد ان شاء الله حيلحق يا خد حقه
بجد زهقت
زهقت من كونى عايشه فى البلد دى

على راى استاذ احمد رضا
نروح اى بلد تقدرنا و تديلنا حقنا حيبقى على الاقل عرفنا نستفيد من فتره حياتنا فى الدنيا دى

ربنا ييعنا على البلد دى
هى ساسا فى حد ذاتها ابتلاء

شكرا على الموضوع و اسلوب حضرتك خلانى اللى ارد
عشان الواحد تعب من الموضوعات السياسيه دى

فى رعايه الله