لا بقي
مش كل موضوع افكر اعمله الاقيك بتعمليه
معلش يا استاذ اشرف ماهى فى بيتها برده 
بس انا هفهمك بالراحة
ياريت
بصوا يا جماعة الدولة دي او الحكومة تملك شركات والشركات مش ملك للحكومة ولكنها هي التي تديرها وهذه الشركات ملك للشعب
وتسمى القطاع العام ولكن ليس لنا الحق في البيع فيها لاننا لا نملك ما يثبت ملكيتنا فيها
وفي مؤتمر الحزب الوطني الاخير قرر رجال الحزب الاوفياء ان يأخذ كل واحد حقه بمعنى
بص يا سيدي
في عدد شركات تصل إلى 154 شركة قطاع عام والشركات دي كثيرة زي المطاحن والحديد والصلب والاسمنت والادوية والغزل والسجاير والمصرية للاتصالات وزي عمر افندي اللي اتباع وغيره
فراحوا مقسمين الشركات الى فئات
الفئة الاولى شركات خاسرة ودي مفيش حد هيتملك فيها اسهم لانها خاسرة ومش هنستفيد منها بحاجة
اها 48 شركه
الفئة الثانية شركات اصلا وصل عدد المساهمين فيها الى 49 % وما ينفعش يزيد عن كدا علشان الادارة تفضل في ايد الحكومة زي شركات السجاير وشركة المصرية للاتصالات
35 تقريبا .. بس غريبه ان الحكومة مابتعرفش تطبق الخصخصة صح غير على الشعب 
الفئة الثالثة شركات شغالة وكويسة زي بعض شركات الصلب ودي لسا النسبة المملوكة في الدولة كبيرة وهما هيوزعوا فيها اسمهم للمواطنين علشان كل مواطن يضمن حقه في ايده
بمعنى ايه بقي موضوع الاسهم ده
هيعملوا حاجة اسمها صك يعني زي المحفظة المالية والصك ده فيه عدد من الاسهم
قيمة الاسهم لا تتعدى 400 جنية
دى قيمة السهم الواحد مش كده؟ .. عشان قرأت ان قيمة الصك 2000 جنيه يعنى الصك فيه 5 اسهم
والفلوس بتاعك هتكون على شكل سهم يعني لو حبيت تبيع اسهمك في الشركات بيع واقبض حقك في ايدك
ولكن في النهاية قيمة الاسهم كلها او الصك لا تتعدى 400 جنية
اللي يقدر يستفيد الان هما سن 21 سنة ومن فوق
واللي اقل من 21 سنة لما يوصل للسن ده يقدر يأخذ حقه من حاجة اسمها صندوق الاجيال القادمة
والصندوق ده الحكومة برده هى اللى مسئوله عنه ولا ايه؟؟
ولو عبقرينو حلل الموضوع هيكون بالشكل ده
اولا
الاسهم دي سعرها رخيص جداااااا
ثانيا
ممكن يكون في البيت 4 خمسة كلهم هيأخذوا اسهم ويمسكهم كلهم ولي الأمر ويبدأ يبيعهم وده اللي هيحصل فعلا
ثالثا
بعد فترة هنلاقي كل الناس بتبيع الاسهم لانهم مش عارفين يتعاملوا معها وعلشان قيمة السهم ضعيفة وعلشان الحالة المعشية الصعبة وعلشان وعلشان
رابعا
اصلا بعد كام يوم كل الناس هتبدأ تبيع الاسهم دي هيبدأ يحصل انهيار في البورصة من كثرة عمليات البيع ومفيش الا كام مستثمر اللي هيشتري الاسهم وبالفعل هينزل ثمن السهم يعني ممكن الصك اللي كان قيمته 400 جنية يوصل لحد 100 جنية وانت هتبيع خوفا من الهبوط
خامسا
هتلاقي المستثمرين لموا اسهم الناس في دقيقة وبقت الشركات مملوكة للمستثمرين وهو وجه جديد للخصخصة
يا نهار ازرق .. هما جابوا الفكرة دى منين 
وتوتا توتا ( وبيع يا صابر وريحنا )
بس يا جمااااااااااااعة انتو بقي هتبيعوا ولا هتبيعوا