[حسام الشرقاوى]

والله انا كنت فى سنة 5 ابتدائى كان فية مدرسين بيضربونا لما ما بنذاكرش او ما نعمل الواجب

بس ولا كانت بتفرق معانا ضرب ولا اى حاجة

بس كان فيه استاذة كنا بنحبها اوى كانت زى اختنا الكبيرة

كنا بنذاكر مادتها العلوم علشان ما تزعلش مننا لاننا كنا بنحبها

يعنى الحكاية مش حكاية عصاية ولا اى حاجة

بالعكس الاستاذ اللى كان بيضربنى ما كنتش بجاوب على اسئلتة رغم انى كنت عارفها

بس دا وانا فى الابتدائى

لكن لما كبرت ما كنتش بدى للمدرس اصلا فرصة انى اغلط ويعاقبنى الا فى الخناقات بس

الخلاصة علشان تبقى مدرس ناجح خلى الطلبة يحبوك ويذاكروا مادتك علشان بيحبوك مش خايفين من العصاية