ياريت الكلام الجاي يتاخد بهدوء
انا النت عندي بايظ من امبارح واخر مرة دخلت كانت من حوالي 24-25 ساعة
ولسه لحد دلوقتي بايظ وانا داخل من العادي
ابص الأقي 4 اسئلة عايزين اجابات سريعة ولكن للأسف لا اجابات
يا ترى ايه السبب؟؟؟
هل كله مش عارف الاجابة؟؟؟؟مصيبة
هل يا ترى مكسلين تكتبوا الاجابة؟؟؟
هل يا تري مستنيين انا ارد واجاوب؟؟؟؟
لو كده يبقى انا اسمي احمد حسين مش احمد جماعة
بس مش عاوز حد يفتكر اني بضايق من الاسئلة او ان فيه حاجة مزعلاني
انا والله ببقى عاوز اجاوب على كل سؤال وافيد الناس بجد
سواء هنا في المنتدى او في منتدى تاني او اللي بيجولي في الكلية او في التلفون
ولاد او بنات سيان..مش فارقه معايا
والله انا بحب المنتدى هنا ومقدرش استغنى عنه بسبب الموضوه ده
وبحب اساعد الناس بكل حب واخلاص ومن غير مقابل
كل هدفي من الكلام ده اني احس ان فيه تفاعل.. خطوة زي خطوة د/سارة دلوقتي
زي د/جوليت لما نزلت اسئلة .. لما احمديكو نزل اسئلة .. لما محمد قال على الاسئلة الملغية في الفيزيكال
الكلام عام ومش موجه لحد تماما.. موجه للجميع بما فيهم انا
يمكن كان زمان عندي عيب وناس قالتلي عليه في ردودي وصلحته.. مش لازم تعرفوه
ياريت نبقى نكمل بعض كلنا.. احس انه كله موجود.. داخل يفيد ويستفيد
مش داخل يستفيد وخلاص وقت حاجته
انا كنت كده الاول..ايام ثانوي ادخل المنتدى اشوف الجديد وخلاص
و يصعب علي قوي سعيد ونبيل وأنس(صحابي.. القدام يعرفوهم خصوصا سعيد) اللي بيردوا على كل الناس وبيساعدوهم ويحلوا اسئلة
فأنا مش عاوز اصعب على حد..
واحنا كلنا نفس المستوى.. طلبة في صيدلة اسكندرية اعدادي
مفيش فرق بين اللي جايب 408 و399.5 و391
...............
ياريت لو كنتوا قريتوا الكام سطر دول تنسوهم ونبدأ من جديد
كلمتين وكان لازم اقولهم
تحياتي للجميع