اقتباس:
المشاركة الأصلية كتبت بواسطة -sherif-
زملائي الكرام
لا اذيع سرا ان ادارة المنتدي قامت بالواجب واعلنت في الموقع طوال اليوم ان عايزين معلم يتكلم عنا في 90 دقيقة واللي عايز يتصل
ولا أذيع سرا اني اتصلت بالادارة لانهم طلبوا رقم تليفوني علشان اتكلم نيابة عنكم في البرنامج
ولكن انا والله اللي اعتذرت
لاني كنت طريح الفراش....(برد شديد وارتفاع درجة الحرارة والتهاب في الرئة وبهدلة بعيد عنكم)
اعتذرت لادارة المنتدي وقلت لهم حالا هجيب رقم تليفون استاذ محمد وسية
واتصلت بالاستاذ وليد لكن الظاهر الموبايل كان مقفول او الشبكة واقعة الله اعلم
وبعدين اتصلت تاني بالادارة وقلت لهم علي اللي حصل
وخلاص انا هتكلم
ولكن كان قد تم خلاص اختيار الاستاذ محمد رضوان
وعلي فكرة يا جماعة
اعتقد ان حصل سوء فهم فقط من جانب الاستاذ محمد رضوان
يمكن فهم خطأ ولا حاجة
وما خدش الموضوع علي انه هام لدرجة انه يتكلم بلسان حال كل المعلمين
و اكيد فهم اعلان الادارة علي ان اللي عايز يدخل يتكلم في مشكلته يتفضل
أتمني نحسن الظن بالناس
وخير ان شاء الله
وعلي فكرة برضه
البرنامج ده اقصي حاجة ممكن تحصل فيه مجرد عرض لاراء المعلمين
ومافيش حاجة متهيألي هتتغير لان زي ما حضراتكم عارفين بلدنا بلد الحكومة
واللي عايزاه الحكومة بيمشي
تكلم كما تريد
لكن في النهاية القرار في يد الباشوات
ده رأيي بصراحة
ومش تشاؤم ولا حاجة
لكن علي العموم ان شاء الله المرة الجاية
أنا هطلب أشترك بمداخلة في البرنامج
وهتكون قوية جدا وبلسان الجميع
أو لو حد عايز يشترك يقولي بس وانا مجهزله عريضة
كنت اتمني الاستاذ محمد وسية يشترك لكن للاسف ما كانش معايا رقم تليفونه
حصل خير ان شاء الله
بلاش نغمة اليأس يا جماعة
احنا والله اقوي من كدا بكتير
الادارة والله عملت اللي عليها وكفاية انهم سعوا للمداخلة في البرنامج
المشكلة الوحيدة
اللي كان المفروض ما تحصلش
ان الاعلان عن المداخلة دي كان متأخر شوية
كنا المفروض نجهز نفسنا ونختار حد معين نتفق معه علي ما يقال وما لا يقال ويكون كلامه بشكل عام
علي كل معلمي مصر واحوالهم
لان البرنامج مهم ومسموع وله شعبية جامدة بغض النظر عن ثقل دم الاخ معتز وحملته
|
ماحدث اليوم لامبرر له سوى ان نستحق كل كلمة سوء توجه لنا معلمى مصر ياأستاذ شريف كنت اتمنى أن لاتكتب هذه المشاركة التى تبرر فيها معلم خبرته قليلة لايجيد الحديث حتى عن مشكلته الخاصة اننى أقدر مجهودك ولكن يرجى عدم تبرير الخطأ سواء من محمد أو ادارة المنتدى وكمان انت اشتركت فيها ياأسد