[أ/ مروان حسن]

المشاركة الأصلية كتبت بواسطة mr.ahmed fadel

هو فى ايه يا جماعة
انتوا هريتوا الراجل تقطيع
مش معقول كده
الراجل عرض مشكلة سأله فيها مقدم البرنامج خاصه بظروفه
بقولكوا ايه
متكبروش الموضوع اولا هو صغير فى السن
وزى ما فى واحد من الزملاء قال رهبة الكاميرات
احنا مدرسين مش مذيعين
عشان ناخد على الكاميرات
وبعدين مشكلتنا كل الناس عرفاها
وبعدين مرتبات بترول ايه وسنترالات ايه اللى حياخدوها المدرسين
صباح الفل
انت فى مصر يا مستر
مش فى اوروبا
ده الكادر طلعوا عنين ...... عشان ناخده
ولسه ما اخدناهوش
وبعدين برنامج ايه اللى حيرفع مرتباتنا
ده ولا معتز ولا 10000000000000000 زيه حيعملوها
يا مستر ده الريس .... الريس .... الريس
وعد بالكادر واتنفذ بعديها ب 4 سنين وعلى مراحل وامتحانات
يبقى محمد رضوان لما حيقول المرتبات تبقى زى مرتبات البترول حيقولوا تحت امرك وامرك مطاع
بقولوكوا ايه
بلاش نطلع همنا فى بعض ونشيل الراجل الخيبة اللى هى خبيتنا كلنا
وبعدين اذا كنا زعلانيين ان هو اللى ظهر فى التليفزيون
أرجو أن ينشأ الاستاذ أشرف موضوع يكون عنوانه ( من يريد الظهور فى التليفزيون يدخل هنا )
يسجل فيه الساده المدرسين اسمائهم وينشوا صورهم ( عشان نشوفها وجوه تليفزيونية ولا لا )
ونعمل لهم كشف هيئة ... ونصفيهم ... ونختار منهم واحد يبقى المسئول التليفزيونى للمنتدى
الراجل رئيس مجلس الادارة مرضاش يظهر وفضل ظهور احد مدرسى المنتدى
وبدل أن نفرح بأن أحد زملائنا مثلنا ( بغض النظر فى أنه فشل أو نجح فى توصيل أفكارنا ) .... نقطع فيه
بقولكوا ايه
عـــيب علينــــــــــــــــــا كــــــــــــــــده

اخي الفاضل سلمت يمينك

والله قولت اللي نفسي اقوله

بس انا كنت مصدوم من التجريح الفظيع اللي نازل على ا/ محمد
وكأنه كان في ايده قرار الارتقاء بأحوالنا في كلمه منه ولكنه بخل بها

اخواني لنا الله
طالما نعتقد ان مشاكلنا كلها كانت في ايد مدرس وهو اللي ضيع الحل
ونازلين فيه تجريح وسخريه

زي الأخ اللي بيقول

مافيش غير واحد بالعقد يتكلم باسمنا وفي مليون مدرس عامل
كأن اللي بالعقد عنده مرض معدي
أو كأن الاستاذ اللي بيتكلم اتعين في هذا الزمن وتقريبا نسي ان التعين اتلغى ولو لسه التكليف موجود في كليات التربية كان زمان ا/ محمد معين ومش بالعقد

لا حول ولا قوة إلا بالله

لما حضرتك معين وزعلان ان الفرصة ضاعت
طيب عايز اللي بالعقد لما تجيله فرصه ما يتكلمش عن وضعه السئ

تقولش كان في مقابله مع الرئيس

مش مع مذيع كلنا نعرف مستواه الثقافي ومدى اداركة بمشاكل المجتمع والمدرس

حقا

نعيب الزمان و....