اقتباس:
المشاركة الأصلية كتبت بواسطة monier
معقول اللى بيحصل ده الواحد يقضى يومه فى طوابيرويمكن عمره كله
ايوة طبعا عارفين اول طابور يبقى لأيه.. ماهو فى اولويات برضوا للعيش
والتانى لبطاقة التموين وهما الاتنين مهمين .. الغريب ان أى قرار يصدره
السادة المسئولين بيطلع من غير دراسة يعنى اضافة المواليد على البطاقة التموينية
قرار غير صائب لأن التعامل مع الموظفين لسه ماجاش الوقت اللى نقول ان
الموظف بيأدى واجبه من غير الرشة الجريئة أو الشخط والتنطيط عل خلق الله
لكن برضو مش مهم كل ده المهم أن المواليد بيضافوا فى بعض المناطق عند
الأم وفى مناطق تانية عند الأب اقصد على بطاقه الجد او الجدة يعنى خيار وفقوس
ويقدر المسئول الفلانى أو العلانى يحس باللى بيحصل لأ طبعا عشان
سيادته بعيد عن الطوابير.. لأ ومش بس كده اللى بيعمل البطاقة يدوخ فى طابورين
الأول فى سجل مدنى لشهادات الميلاد امال التطور لازم يبقى فى كل شىء
شهادة الميلاد القديمة ماتنفعش لازم تدوخ يعنى الطابور هيروح منك فين
وواحدة راحت تطلع شهادة ميلاد لأبنها كتبوا لها فى شهادته النوع انثى
مع أن اسمه واضح وولد جدا والشهادة القديمة مكتوب فيها ذكر... شفتوا التكولوجيا
بالكمبيوتر برضوا ممكن يحصل تزوير الولد يبقى بنت والبنت ولد
المهم صاحبتنا لعنت اليوم اللى راحت تطلع شهادة ميلاد من الساعة 9 صباحا ل 5 مساءا
ويا ريت بفايدة ... تعجبنى تصريحات الوزير بتاع التموين والعيش كله تمام
فيها ايه لو كل مواطن عمل بطاقة خاصة بيه ووفرنا اللف مرتين تحسبا
انها تتعمل مستقبلا .. الحل الوحيد ان اى وزير أو مسئول لازم يقف فى الطابور بنفسه
ويعمل بطاقة تموين.. ويشترى عيش.. ويستنى اتوبيس زحمة كده تبقى المساواة بجد .
|
والله عندك حق
بس انا عاوز اعرف اية فى مصر بيتعمل بناء عن دراسة ؟؟
الى اقدر اقولة
حسبنا الله ونعم الوكيل