[..Just Stop]

المشاركة الأصلية كتبت بواسطة Dr.juliut

السلام عليكم
وعليكم السلام ورحمة الله

كل ما ادخل اتفرج الاقيك لسه قاعد فقلت أسال انا كمان بالمره مجتش عليا يعنى
ههههههه ماشى يادكتورة اكيد منورانا

1/ ايه اخبار الهندسه ؟ سهله ولا صعبه ؟
الحمد لله كويسة بتسلم عليكى
سهلة جدا وصعبة جدا كل حاجة مع المذاكرة سهلة طبعا

2/ناوى تخصص ايه باذن الله ؟
محتار بجد لسة بين تعدين وبترول
ومدنى


3/ايه رأيك فى المجتمع الجامعى ؟
مجتمع تانى خالص غير المجتمع الثانوى حاسس انه دنيا جديدة مسؤليته اكبر من الثانوى كتير
ادعيلى بالله عليكى

4/انهى احلى الثانوى ولا الجامعه ؟
الاتنين انيل من بعض

5/ايه اكتر نيك نيم بتحبه فى المنتدى ؟
كتير والله
بس بحب الاسلاميات اكتر
من ضمنهم صوت الحق


6/وايه اكتر نيك نيم بتكرهه ؟
ورك النملة

7/احلى هديه جاتلك ايه ؟
مصحف من اخويا


8/ اكتر حاجه نفسك تجيلك هديه ؟
حب الناس ليا ورضا ربنا عنى

9/اكتر قرار ندمت عليه ؟
انى حسنت فى ثانوى بس مش لدرجة الندم

10/ لو رجع بيك الزمن كام سنه ورا ايه اللى هتغيره فى مسار
حياتك ؟
هحاول اكون افضل بس الحمد لله انا راضى باللى انا وصلتله


11/تفتكر ايه سر ارتباط الاعضاء الوثيق بالمنتدى ده مع انه فى الاساس منتدى تعليمى يهتم بفئه عمريه اساسيه اللى هى الثانوى والارتباط ده مش موجود مثلا فى منتديات تانيه بتبقى مهتمه بحاجات متنوعه اكتر ؟
مش عارف
اكيد عبقرينو عامل لنا عمل

11/واحنا صغيريين ياما عملنا مصايب , ايه اخطر حاجه عملتها ؟او اخطر حاجه اتعملت فيك ؟
مش فاكر بس طفولتى كلها كانت مصايب اتضربت ضرب من اخويا الكبير

12/ كنت بتخاف من ايه وانت صغير ؟
من الحقن


13/ وبتخاف من ايه دلوقتى ؟
من الفشل



14/لو لا قدر الله حصل زلزال او حريقه فى المكان اللى انت فيه والمفروض انك تهرب وتاخد معاك حاجه واحده هتاخد معاك ايه غير المصحف ؟
هههههه
هاخد ديلى فى سنانى وجرى على بره
بصراحة مش عارف

15/لو شفت خناقه فى الشارع ممكن تتدخل لو شايف ظلم ولا بتفضل تبقى فى حالك ؟
انا دايما فى حالى بس بجد بحاول احوشهم عن بعض بس مش اكتر
ومش بحاول اعرف مين اللى غلطان كفاية انى احوشهم عن بعض
بس مش فى كل الاوقات



كفايه دول دلوقتى بس لو دخلت لقيتك لسه موجود هحطلك شويه كمان

منورة يا دكتور وربنا
ان شاء الله مش هتلاقينى موجود
من الاخر مشوفكيش هنا تانى زى الباقى