[أ/ عثمان ربيع]

المشاركة الأصلية كتبت بواسطة eslam_2009

وانا بشوف نموذج اجابة امتحان التاريخ 2008 لقيت فى كل اجابة كل الاسئلة لازم نكتب السؤال وبعد كده الاجابة يعنى مثلا اجابة اسئلة بم تفسر لازم نكتب السؤال وبعد كده نكتب بسبب ونكتب بعد كده الاسباب بس ده هياخد وقت كتير اوى فى الامتحان .

وكمان فى سؤال ايد بالادلة التاريخية لازم نقول السؤال وفى الاخر نقول حيث وبعد كده نقول الادلة بس ده هياخد وقت كتير اوى .

انا اصحابى السنة اللى فاتت اللى كانوا واخدين تاريخ بيقولوا التصحيح فى التاريخ وحش اوى يعنى فى واحد صاحبى كان شاطر اوى وجاب 35 من 50 انا مش عارف هل ده علاقته انه مكتبش الاسئلة الاول قبل الاجابة ؟؟؟
يعنى مينفعش اكتب الاجابة علطول ؟؟؟
ارجو الاجابة وخاصة من المدرسين .
واسف عالاطالة .

لا طبعا مش لازم نكتب السؤال ....... الاهم نكتب رقم السؤال بخط واضح

بالنسبة لزميلك الشاطر .... ممكن يكون فهم السؤال غلط من وجهة نظرة انه صح ...... وممكن يكون كتب اجابات ناقصة ,,, وطبعا هو فاكر انه كاتب الاجابة كاملة

بصفة عامة .... مدة التاريخ 3 ساعات المفروض الطالب يركز فيها كلها وبراجع اكثر من مرة ...... مش يحل في ساعة ونص ويقعد يتفرج علي زمايلة

ولا ايه رايك ؟؟؟