[:: اسير الحزن ::]

مالك يارغيف بطلان
عمال تخس وفى النقصان
ومش لقينك كمان
عمل فيك اية انسان


غدرتنى ايد عجان
زقونى المر الوان
الكل فيا طمعان
الشارى وصاحب الدكان


ملينى الحصو وليا ودان
طلعونى قبل الاوان
بعونى فى الخفيان
وكلونى للحيوان


ازمتى بس للغلبان
وسليم وحلو للااعيان
وما يعلش هم شيلان
يوصلوا فى ثوان

الفقير عليا هلكان
واوصلوا نشفان
يا ياكلنى يا ينام جعان
ويحمد الرحمن

اسف للكل علشان
يمكن اكون غلطان
عايز اكون على كل لسان
ينضغنى وتاكلنى سنان