اقتباس:
المشاركة الأصلية كتبت بواسطة طـفـلـة الامـس
معلش عايزة حد يشرحلى الجزء اللى فى اخر شابتر 1
صفحة 4 بتاع Analytical Method
اصل انا ماحضرتش اول محاضرة دى وحاولت افهمها لنفسى باى طريقة مش فاهمة خالص
|
عشان تعرفي بس اني مقدرش اتأخر... حشرحلك الجزء ده..ونصيبك اني مشفتوش امبارح..ما علينا
الجزء ده ببساطة ان احنا بنعمل جمع وطرح للمتجهات سواء متجه او 2 او 3 او اكتر اللي هما ممكن يكونوا قوة او سرعة او اي حاجة
حنمشيها قوة.......عايزين نعمل تحليل للقوة
نفترض في يوم انتي واختك قعدتوا تلعبوا مع بعض وانتي تزقيها وهيا تزقك
انتي بتزقيها ناحية الشمال بقوة 40 وهيا بتزقك الناحية التانية بقوة 60
40 و60 دول مكونات المتجه
طب عايزين نجيب القوة المحصلة يعني المتجه المحصل او الاخير
يبقى عشان القوتين عكس بعض يبقى نطرح .. نفترض حد جه مع اختك وقعد يزق (كلهم عليكي كده)
يبقى القوة الاولانية والزيادة - قوتك انتي عشان عكسهم
....طب تمام
بصي في الرسمة اللي عندك في ص4 .. اعتبري a دي قوة ...تمام
القوة دي مايلو مينفعش احسبها كده..يبقى لازم احللها لقوتين عموديتين اللي هما واحدة x وواحدة y
طب اعرف منين sin و cos بتوعها.....سهلة قوي
الزاوية بتنام على جيب التمام...مين؟؟؟.....قول تاني كده...ايوه
القريب من الزاوية هو cos والبعيد sin
بعد كده تجيبي سين زيتا تربيع+كوزين زيتا تربيع وتجيبي الجذر ساعتها تطلعك القوة المحصلة
يعني مين اللي حيزق التاني في اتجاهه بقوة كام....انتي ولا اختك؟؟؟؟
يعني 60-40
طب اجيب اتجاهها ازاي؟؟؟ تان زيتا = القانون ..طب وايه فائدتها
فايدتها لما اجي اقولك فلان ده ماشي بسرعة 100 كيلومتر في الصحراء في اتجاه 76 درجة شرق مثلا
\.............
الجزء تحت الرسمة
القانون في اول سطر ... بصي عليه وبصي على بروبليم 2 في وشها
حتلاقي في البروبليم ax=2 وay=2 بعينيك قارني بينهم
ونفس الكلام ل b bx=2 by=-4
طب عايزه تجيبي المحصلة او المتجه النهائي يبقى a+b=c
c=(ax+ay)+(bx+by)tamam
حتطلع c=4I-2j
وبعد كده تطبقي القانون بتاع جذر التربيعين
ودول بعد كده بتستحدميهم في باقي الشابترز ..يعني مبادئ تبني عليها
اقتباس:
المشاركة الأصلية كتبت بواسطة طـفـلـة الامـس
اهلا اهلا بالحبايب
وحشتينى اوى اليومين دول والله يا قمر
مفتقداكى جداا
مش لاقية حد ارغى معاه
ماتتاخريش عليا
يوم الثلاثاء والاربعاء كنت قاعدة غلبانة من غيرك
الف ومليون مبروك وعقبالك يارب
بس افتكرى انك مش هاتدخلى الكلية من غير الحاجات اللى اتفقنا عليها:abdoog8:
|
ربنا يخليكم لبعض ويوفقكم ان شاء الله....وفعلا الارواح بتتلاقى..والكويسين بيعرفوا يلاقوا بعض
ربنا معاكم ان شاء الله
اقتباس:
المشاركة الأصلية كتبت بواسطة د نبض الامة
لو حد حل مسائل الحرارة يقولنا كده ناتج مسالة 3
|
حل المسألة حيبقى 66.3 درجة
heat lost by coffee =heat gain by cup
بس مين عارف يمكن النواتج تختلف حسب نوع القهوة.سادة ولازيادة
ونوع البن يمكن يؤثر.....والحمد لله انه حدد وقال انها بتشربها الصبح والا كانت بقت مشكلة جامدة
يارب خلصني من الراجل ده
اقتباس:
المشاركة الأصلية كتبت بواسطة طـفـلـة الامـس
رســـــالـــــــة اســـتــغاثــــــــــة
بالله عليكم انقذونى من شابتر 3 ده فى البروبرتس
مش فاهمة فيه حرف
وخصوصا المسائل
ياريت حد يشرحلى المسئلتين اللى فى الورق من صفحة 22 الى 25
عشان مش فاهمة حاجة بجد
|
دي بقى صعبة جداااااااااااااااااااااااااااااااااااااااااااااااا
لان الشابتر ده انا شارحه 3 او 4 مرات في الكلية وبياخد فوق النص ساعة
شرح واخد ورد..فلو كتبت شرحه يبقى السنة الجاية اخلص
ابقي خلي حد من صحباتك الشاطرين زي د/نبض تشرحه..واخده بالك من الشاطرين دي
وهو شابتر سهل وبسيط انما محتاج قبول زي ما انا عملت
يعني كنت في الاول مش فاهم خاااااااااااااااالص
وبعد كده واحده واحده بدأت افهم وبقيت اشرحه كمان والحمد لله
اقتباس:
المشاركة الأصلية كتبت بواسطة rorr
معلش يا جماعة ممكن حد يقول ارقام اجابات ch3
|
نزلوا في مذكرة في الكلية ..بتاعت د/اشرف لو جبتيها حتلاقي فيها الحلول ولو مش فاهمة حاجة منهم قولي
تمام
اقتباس:
المشاركة الأصلية كتبت بواسطة oxstreet
يا حماعه ممكن حد يحل الاسئله بيتاعت شابتر 2 رقم 9-10-11-12
|
حلناهم قبل كده ونزلت ورق الحل بتاعهم..ممكن ترجعلهم
اقتباس:
المشاركة الأصلية كتبت بواسطة new heart
لو سمحتم يا يا جماعه
ياريت حد يفهمنى المثالين صفحه 20 و 21 فى البروبرتس
والمساله رقم 7 على شابتر 3
وشكرا مقدما
|
المسألة رقم 7 دي بسيطة وسهلة
واللي حالهالي د/ الخطيب بنفسه في مكتبه
ببساطة
انتي عند رافعتين مزدوجتين
واحدة من السهم بتاعw حتى السهم الطويل
وواحدة من w برضه لحد السهم المايل
طب نيجي لاول واحدة
السهم بتاع w ده هو Fl واسهم الطويل هو fa
حتجيب xa من الطويل للمثلث وxl من w للمثلث
حتلاقيهم تقريبا يساووا بعض يعني m.a=1 تقريبا
نيجي للنوع التاني xl هيا هيا
xa هي اللي اتغيرت بقت من المثلث للمايل
وحتطلع xa/xl صغيرة قوي من الواحد بكتير
طب اجيب منين نوع الرافعة
لازم تعرفي الباسوورد
اجيبه منين؟؟؟؟؟
سهلة
الباسورد :FLA بالعربي تبقى فلا
يعني ايه
اول نوع FULCRUM المثلث في النص
تاني نوع LOAD في النص FL
تالت نوع APPLIED في النصFA
طب اجيب ازاي قوة الرافعة
انتي تحسبي M.A لو طلعت اكبر من 1 زي النوع التاني تبقىGOOD
اصغر من الواحد زي التالت POOR
والحمد لله الجزء ده جه في الامتحان والناس حلته كويس
وهيييييييييييه فلا فلا فلا
المثالين اظن اتشرحوا كتير قبل كده