[الرهينه]

المشاركة الأصلية كتبت بواسطة أرق ملاك

ازيكن يا بنوتات
و الله واحشنى جدااااااااا وواحشانى اجتماعاتنا
فاكرينها؟
المهم بقى
طبعا الكل مستغرب ليه بكتب فى الموضوع دلوقتى
اقولكم انا
صراحة بجد صعبانة عليا الفكرة
احنا من رمضان تقريبا مش عملنا اجتماع
و طبعا دلوقتى الكل فى دراسة و الكل هيقولى انتى بتهزرى يا ملاك جاية تقوليلنا ندرس لغات فى الدراسة
هقولكم لا
انا اكيد عايزة مصلحتكم و الله كلكم و عايزة مصلحة نفسى
بصو يا بنوتات
علماء التنمية البشرية بيقولو ايه
بيقولو عشان تنشطو عقلكم و تقووا الذاكرة تتعلمو كلمات لغة جديدة
فكل اللى هنعمله ده
ان شاء الله 10 كلمات بس فى اليوم او كل يومين
كل واحدة و اللى يناسب وقتها
وصدقونى و الله مش هياخدو من وقتكم حاجة
و ممكن تعتبروهم وقت من وقت التليفزيون او النت
بس دى حاجة لدين ربنا
و الله يا بنات انا عارفة ان كلنا مشغولين فى الدراسة و انا بالذات لو قلتلكم اللى انا فيه هتعيطو بجد
بس محاولة
و اللى مش هتقدر مافيش اى مشكلة خالص
احنا مش عايزين حاجة تيجى ع حاجة
عايزين نكون ناجحين فى كل حاجة نقدر عليها
اللى تقدر تكمل معانا بجد هتنورنا و اللى مش هتقدر بجد هنفتقدها بس هنستناها تنصر دينها فى مجالها
اللى عايزة اقوله
ان الفكرة هتابعها معايا جهاد -الرهينة-
بجد ليها فضل كبير ربنا يباركلها يارب
و باذن الله هيبقى فى اجتماع لينا يوم الجمعة الجاى
و انا هبقى ابعت لكل اللى معايا ايميلاتهم باذن الله
ولو فى اى حاجة يا بنوتات جهاد معاكم بقى طول الاسبوع

ربنا يوفقكم يا بنات ياااااااااااااااااارب و يعينكم

ملاك جزاها الله كل خير فكرتها رائعه وبجد كان خسارة انها تضيع

وزى ما قالت احنا اتفقنا اننا هنكمل ان شاء الله اللى انتوا بدأتوه وياريت تنورونا وتشاركوا معانا بس اللى مش هتقدر عشان مذاكرتها خلاص ربنا يعينها ان شاء الله

وان شاء الله هكون موجودة معاكوا طول الاسبوع بس للاسف ملاك مش هتقدر تدخل كتير

وتأكيدا لكلامها ماتنسوش اجتماعنا ان شاء الله هيكون الجمعه الجايه وهنأكد الميعاد بالظبط امتى

وربنا يعينا ويعينكوا ونقدر نعمل حاجه

وبالتوفيق للجميع