السلام عليكم ورحمة الله
اشكر حضرتك جدا يا مستر خالد على الموضوع ده
واحب اقول حاجة بما انى طالبه ازهريه
انا الحمد لله علمى
ومبخدش دروس خالص
وفصلى كله 8 يعنى عددنا قليل وممكن نفهم كويس
ومبروحش المدرسة
اكيد حضرتك حتقول ليه
اقول لحضرتك
اولا المدرسة مبقتش زى زمان اللى بيروح بيبقى علشان التعليم والتعلم لا للاسف الطلبة دلوقتى بيروحوا لكل حاجة فى الدنيا الا العلم
ثانيا المدرسة دلوقتى بقت للاسف (مستنقع ) ولا ابالغ كل الشتايم وقله الادب موجوده ومحدش بيقول لهم حاجة( بالذات البنات)
بل بالعكس بيعاملوا الكويس معامله وحشة جدا وبيعاملوا قليل الادب معاملة كويسه
ثالثا المدرسين نفسهم هما اللى بيقولولنا خدوا دروس ومتجوش المدرسة
انا لما قلتلهم انى مش حاخد دروس حسسونى انى ......... بصراحة مش قادرة اوصف الاستهزاء والاستحقار اللى كلمونى بيه
ولما قلنا لهم على الغياب قالوا دول بيهددوا بس متخافوش
ولما قلنالهم عن الاستمارات قالولنا هاتوا نمر موبايلاتكم واحنا نبقى نتصل بيكم لو جت وابقوا تعالوا املوها وامشوا
طب بالذمة ينفع كده؟
طبعا انا منكرش ان مش كل المدرسين وان فيه مدرسين بيشرحوا وعندهم ضمير وبيتمنوا يشرحولنا
بس دول نادرين اوى اوى
وبروحلهم مخصوص علشان اقدرهم
بصراحة فيه حاجات كتير محتاجة تتغير
قبل ما يقولوا فين الطلبة
لازم يسالوا نفسهم ايه اللى عملناه وخلى الطلبة مش بتحضر
انا اسفة انى طولت بس كان لازم اقول رايي
وبصراحة كنت مستنية اى حد يتكلم فى الحكاية دى
فجزاك الله خيرا
__________________
كفانى فخراً بأنى مسلمة ازهرية
|