[Rien]

المشاركة الأصلية كتبت بواسطة hazem_ayman

مفيش حاجة اسمها علاقة بريئه وعلاقه مشبوهه احنا فى مجتمع شرقى وطبعا اى علاقه بين ولد او بنت الناس علطول بتقول انها علاقة عاطفيه

برضو هانقول المجتمع الشرقى والناس

معلش ممكن اطلع برا الموضوع شوية
الناس بتحشر نفسها ف كل حاجة بحجة المجتمع الشرقى اللى احنا فيه
لو حد شافك ماشى ف الشارع مع اختك هاينتقدكوا
وهو مش فاهم حاجة ف اى حاجة
وبتحصل قدامى على طول لبنت وولد توأم معايا ف الدرس
والاتنين محترمين جداا
واكيد احسن من اى حد بيبصلهم بطريقة مش حلوة

يعنى يا ريت يا ريت
الناس تخليها ف حالها شوية
ويشوفوا الحاجات اللى هما بيعملوها قبل ما يتكلموا على غيرهم !!

وبصراحة
مابقاش يفرق كتير كلام الناس
اللى عايز يقول حاجة يقولها براحته وعادى جداا
المهم انك من جواك تبقى واثق انك مش بتعمل حاجة تغضب ربنا
كلامهم مش هايزودك حاجة ولا هاينقصك حاجة

بالنسبة للموضوع
انا شايفة ان الغلط كله على البنت
لان الولد اللى يعمل كدة يبقى مش محترم اصلا وماينفعش ان حد يقوله عيب
لان هو كدة وهى دى اخلاقه
واحد ماعندوش دم ولا دين ولا كرامة
عايزه يعمل ايه يعنى ؟!

اما البنت
المفروض تحترم نفسها
ولو هى ماحترمتش نفسها
ماتستاهلش ان اى حد يحترمها او يتعاطف معاها لما تقع ف مشكلة بسبب سلوكها ده

اخر حاجة عايزة اقولها
( اذا لم تستح فاصنع ما شئت )
صدق رسول الله صلى الله عليه وسلم