[dr.zomba]

المشاركة الأصلية كتبت بواسطة فيفا

الواحد بقى لسه خارج من عمليه وبنج وحاجات وحشه كده

وحسيت انى عايزة افك شويه
ملقتش مكان احسن من ده


يااااااادي النيلة دا انا لو دكور نفساني مكنتوش هتفكوا عندي كدا
ولقيت كمان استاذ عادل منور الكرسى ولانى طبعا معرفهوش كويس فمضطره انى اساله
مش مضطره خاااالص والله كأنك سالتي وزيادة

بس عشان هو سال عليا لما كنت تعبانة هديله حاجات خفيفة كده


ربنا يكرمك

1-ايه هو مفهومك عن الامان؟
ان الانسان يشعر براحة البال وفي الغالب راحة البال مش وجودة في الدنيا لانها مش ماشية علي وتيرة واحدة
يا ترى حاسه فى حياتك؟ ولا بقت كلمه مفقوده فى الوقت الحاضر؟
اوقات واوقات بس طبعا مش كلمة مفقوده
2-امتى ممكن تقول انك مش قادر تسامح؟
لما الموضوع يتعلق بشخص عزيز عليا يجرحني في كرامتي بس بتبقي مسألة وقت معايا وبسامح دا لو هو عرف غلطته وحاول يصالح انما طول ماهو مش معترف بغلطه اكيد مش بسامح بل وبيجي عليا وقت لو الموضوع طول وببقي عايز انتقم لكرامتي
3-ايه اكتر صفه بتكرهها فى الشخص اللى قدامك وممكن تخليك تبعد عنه؟
انه يظهر عكس ما يبطن
4-عمرك كرهت حد قبل كده ؟وليه؟
اه / مشاكل شخصية
5-قرات اى حاجة لتشارلس ديكنز؟ ولو قرات ايه رايك فيه؟
لا محصليش الشرف بس شوفت وانا صغير فيلم مدينتين ومش فاكر منه اي حاجة وااااااصل
6-لما بتكون شايل اوى من حد بتفضل تواجهه ولا بتكتم فى نفسك؟
مش بواجهه علي طول بشيل في نفسي شوية لحد لما يجي وقت المواجهة و بواجهه
7-لو حصل واتقابلت ببنت عندها اعاقة ما بس كويسه اخلاقيا ودينيا وكل حاجه
ممكن ترتبط بيها ولا الموضوع ده هياثر عليك؟

امم بصراحة مقدرش اقول دلوقتي لاني بعتبر دي مسألة قدرية يعني انا ممكن اقولك دلوقتي لا طبعا ومع الوقت فعلا اقابل واحدة واعجب بيها وتكون فيها كل المواصفات الجميلة بس مشكلتها الاعاقة اكيد ساعتها مش هبص للاعاقة وممكن اقولك اه طبعا وعادي وبتاع وساعة الجد موافقش عشان كدا انا بعتبر دي مسائل بتاعت وقتها ومقدرش احكم عليها وانا علي البر

(السؤال ده انا سالته بما انى عملت موضوع عن النقطه دى وانت مدخلتش الموضوع)

ايه دا والله ما اخدت بالي خالص اوعدك ان شاء الله هدخل اشوفه

8-ليه ساعات كتير اووى بحس انك مخنوق من ناس كتير فى السايت وانا اولهم؟

ههههههههههههههههه لا ابدا والله الناس اللي ببقي مخنوق منهم في السايت مش بيبقي سر وكل الناس بتبقي عارفاهم واكيد طبعا انتي مش واحده منهم

كفايه عليك كده مؤقتا

جايه تانى

امال لو مكنتيش لسة قايمة من عملية كنتي عملتي فيا ايه

علي العموم نورتي وحمدالله علي سلامتك