[فيفا]

للاسف بجد هو ده حال معظم البيوت المصريه
مش قادرين يقتنعوا ان الطفل مش لازم يكون سعيد لما يكون بياكل ويشرب ويلبس وبس
السعاده مش فىالحاجات دى وبس
مننكرش طبعا ان الاطفال بتفرح باللعب واللبس بس هما محتاجين الحنان اكتر من اى حاجة تانيه

انا على فكرة لاحظت الموضوع ده كتير ومع مامتى كمان
مرة نمت وقلت لها صحينى عشان اذاكر وكنت فى ثانويه عامة فصحتنى وانا قمت عشان اذاكر فالنوم غلبنى ونمت على المكتب
فمامتى صحيت وشافتنى وطبعا سمعتنى العبارة المشهورة
(والله ما انتى نافعه)
الجمله دى ضايقتنى جداااااااااااا
فتناقشت معاها قلت لها ليه قلتى لى كده
فهمت فى الاخر انها زمان لما كانت مامتها بتصحيها عشان تذاكر وتلاقيها نامت كانت بتسمعها نفس المقوله

فقلت لها يا ماما تعاملى معايا باسلوبك مش باسلوب مامتك

على جانب تانى بقى انا عملت اختبار على شوية اطفال
ساعات بنروح عند قرايب لينا او هما بيجوا فطبعا بيكون عندهم اطفال بتفضل تزن طول الوقت يحاولوا يسكتوهم باكل مش بيسكتوا
بلعب
برضه مفيش فايده
انا اول ما امسك البيبى واشيل بهدوء وابوسه بالراحه كده
بامانة بيهدى خالص
وده يؤكد انهم فعلا محرومين من الحنان
يا ريت بجد كل ام واب ياخدوا بالهم من النقطة دى
لان بجد الاطفاال دى بتتعب جدااااااااا
وبعدين ربنا ادانا الاطفال مش عشان نعذبهم

ثانكس ليك جداااا على التوبيك بجد موضوع مهم