السلام عليكم و رحمة الله
كل سنة و الجميع بخير
و انتى بالصحة و السلامة
يارب يكون عيد سعيد على الجميع
يا رب
ماحدش بقى يمل من موضوع نقاط تفتيش
انا كنت هعمله موضوع منفصل بس قلت نكمله بقى
يمكن حد فينا يفتش فى نفسه ع حاجة من دول
و كل واحد فينا يحل مشكلته
"عاااااااااااااااااالم فاضية"
دول بقى اساس انى اكمل الموضوع صراحة
بجد بجد بجد
حاجة بقت تقرف -سورى فى اللفظ-
لا و لا يهمك
ناس كده هواية عندها توقع الناس فى بعض
ناس كلمة نمامة كلمة قليلة عليهم
ايه ده
للدرجة دى فى ناس فاضية اوى كده
ييجى واحد يقول لواحد تانى عارف فلان ده بيقول كذا و كذا و كذا
و اصلا الفلان ده فى حاله خالص و مالهوش فى الكلام ده
ييجو بقى يدخلوه فى حكايات و روايات و افلام كده من صنع ناس مريضة اصلا نفسيا
المشكلة الكبيرة ان الناس تكدب و تصدق نفسها و تعيش الكدبة
السؤال بقى
ياترى العيب فى مين فى اللى بيصدق و لا اللى فى حاله
لا العيب فى اللى بيكذب يا فالحة
ياترى اللى فى حاله ده
لازم يدافع ع نفسه
لا لازم يبقى مقتنع بنفسه ان هو كدة
و اللى مش عاجبه يشرب من البحر
لازم يضيع وقته و يحرق اعصابه عشان يدافع ع نفسه ادام حد المفروض يكون عارفه
نو نو نو لو عارفه بجد
يبقى خلاص
لانه مش هيصدق عليه
حاجة اصلا
و لا خلاص بقى هو اللى اختار
و هو اللى عايز يفهمه غلط
ياترى العيب فى مين فينا
فى الطيب و لا الغبى اللى بيصدق كل كلمة
يا ترى لو الطيب ده مش دافع عن نفسه هنقول عليه سلبى
لا قولنا
طيب ليه هو مطالب انه يحرق اعصابه عشان حاجة مش ليه ذنب فيها
انا بقولك بقالى ساعة لا يحرق و لا يولع
طيب يا ترى الناس اللى متعتها توقع بين الناس دى
بتستمتع بايه؟
بتحبو اوى تشوفو الخناقات كتير
و الكره بيكتر
و الحب بيروح
may be
بجد كلمة واحدة هقولها ليكم و سورى بجد
"بلا قرف"
thanks
سورى بجد ع الكلمة لكل حد مش فيه الصفة دى بس صراحة مش لاقية وصف اوحش من ده عشان اوصف بيه الناس دى
بجد
حسبنا الله و نعم الوكيل فيكم
"تايهين فى الدنيا"
الناس اللى بتحس انها تايهة
و مش لاقية حد ياخد بايدها
ياترى ده بيبقى عيب فينا احنا
و لا فى الجيل اللى اكبر عشام(ههههههههه اسمها عشان) مش واخد بايدنا
و لا فى الدنيا
لا فينا احنا
لان التايه دة يعنىمالوش هدف
و طلما مالوش هدف يبقى ملهاش لزمة انه يعيش
اصلا
تفتكرو لو رجعنا لديننا هنبقى تايهين
لا طبعا
تفتكرو لو رجعنا لمبادءنا هنحس بالتوهان
مش كل المبادىء صح
خدى بالك
اوقات كتير بحس انى تايهة
بحس انى مش بقيت عارفة مين صح و مين غلط
ياترى العيب بيبقى فيا
مين صح و مين غلط
ازاى يعنى
اكيد العيب فيكى انتى
لان الصح صح و الغلط غلط
مهما اختلف الزمان او المكان
ياترى لما مش ابقى عارفة الغلط فى تصرفى و لا فى حكم المجتمع ع التصرف ده بيبقى الغلط فى مين
ياترى لما كل يوم نرتكب نفس الغلط
يبقى العيب فى مين؟
يا خبر ابيض
كل يوم
لا اكيد فى حاجة غلط
ياترى لما نرجع لربنا الصبح
و نيجى بالليل نقول لا
كفاية
مش هنقدر نكمل
يبقى العيب فى مين؟
اممممممممم
صعب الاجابة على النقطة دى
بالذات
ياترى لما تلاقى جيل كامل -الا من رحم ربى -كل هدفه تقليد اعمى للغرب
و ياريت حاجات مفيدة
بالعكس
بنختار الحاجات الوحشة
و منها
التوهاااااااااااااااان
تفتكرو الحل ايه
نحط اهدافنا ادام عينا و نتحرك ليها؟
اها
ممكن
و لا نحط ديننا فى قلبنا و نتحرك بيه؟
برضو ممكن
طيب ايه رايكم
تخيلو كده لو قدر واحد فينا يعمل الاتنين
ياترى هيكون تايه؟
مش عارفة
حاجة من اتنين
يا هيرتاح اوى
يا هيتوه اكتر
"عيب يا ولد .....احترم اللى اكبر منك"
حاضر يا طنط
الجيل اللى اكبر مننا -بابا و ماما كده يعنى-
لما يقولو راى
هل المفروض ننفذه بلا مناقشة و بلا تفكير
لا طبعا
طيب لو اتناقشنا
و مش اقتنعنا و عايزين نجرب
هل نبقى ناس غير محترمة لاننا مش احترمنا رايهم؟
لا بداية احترامك
هو انك تحترمى نفسك
بارائك و افكارك
هل التفكير بيحكمه السن؟
يا سلام مين الاهبل اللى قالك كدة
طيب مش ممكن حد فى سننا بس يكون شايف مستقبله كويس
و عارف هو بيعمل ايه
ممكن ايه
دول موجودين فعلا
حتى لو استفاد اكيد بخبرات اللى اكبر منه
بس ليه لازم ننفذ و عينينا مغمضة؟
سؤالى للجيل اللى اكبر مننا
ليه بتحاسبونا على اننا اصغر من حضراتكم فى السن ؟
"غلطت و اتصلحت ........اعمل ايه تانى؟"
مين فينا ملاك؟
no one
مين فينا مش بيغلط
كبير و صغير
متعلم و جاهل
ملتزم و غير ملتزم
بنت و ولد
هاتو كده حد فيهم مش بيغلط؟
متهيالى مافيش
طيب
مادام الك بيغلط
يبقى مين احسن
اللى يغلط و يغلط و يغلط و هيا هيا نفس الغلطة
و لا اللى يصلح و يتعلم من غلطته؟
هتقولو طبعا اللى يصلح و يتعلم من غلطته
اوك
انا مقتنعة بده تماما
بس هاتولى دليل واحد ع كلامنا
احنا دايما بنقول لازم لما نغلط نصلح الغلط
بس اللى يغلط فينا و يصلح الغلط
بيبقى كانه عمل غلط اكبر
مافيش حد يقول ليه هو يهتم براى الناس
لانه عايش فى مجتمع
هنقول لازم رايه هو فى نفسه و لازم تكون فى ثقة فى النفس
بس برده هو بشر لازم هتيجى لحظة و يضعف و يسمع لكلام الناس
السؤال بقى
ليه بنهد بعض؟
ليه مش بنشجع بعض ع الصح حتى لو كنا بنعمل الغلط؟
بصراحة مقدش اجاوبك
لانى بسال نفسى مليون مرة
نفس السؤال
ليه لما يبقى حد
بيحاول انه يبقى انسان كويس
كل الناس بتبقى ضده
سبحان الله
حاجة غريبة فعلا
ياريت ياريت ياريت
"حب لاخيك ماتحبه لنفسك"
الموضوع طول اوى المرة دى
بجد فى حاجات كتير اوى كنت عايزة اقولها
بس اعذرونى ع الاطالة
و معلش لو كانت طريقتى بايخة المرة دى
و لا يهمك
كل سنة و انتو طيبين