[vampire1188]

دا راجع لتفاهة تفكير الشباب المحترم ؟

هوا دا السبب الرئيسي فعلا ..

لإنك اذا طبقتي السبب دا على اي حاجة هابلة بتحصل في المجتمع الشبابي هاتتلاقيه ماشي معاه

وبعدين لو جينا نمسك الانترنت في العالم العربي .. وتحديدا مصر ..

هاتتتلاقيه متقسم لقسمين .. شات / منتديات

> الشات .. كل واحد يقعد يحور على التاني ويقولها انا ساكن في المريخ والتانية تقوله انا شبه نانسي عجرم .. والمهم ان الطرفين اساسا عارفين انهم بيحوروا على بعض .. وبيجدوا في دا متعة حلوة .. وبيستمروا فيها واخرتها .......... الله اعلم !!

> المنتديات .. برده زي مانتي قولتي .. كل واحد مابيظهرش بشخصيته الفعلية .. لو فيه موضوع ديني تتلاقي كل واحد اتقلب بقي شيخ وبيجيب بالأدلة والبراهين العقلية والكتاب والسنة .. لو موضوع روش .. يبقي الواحد لازم يبقي متفتح وشبابي وكوول وبيس ومان وطحن وفيه مصطلح جديد سمعته اسمه كيك مش عارف بتاع ايه دا ؟! .. لو موضوع سياسي الواحد يتقلب 360 درجة ويبقي محلل استراتيجي لشئون الشرق الادني والاوسط والقريب والبعيد كمان !! ..

بس داااااااااائما لكل قاعدة شواذ .. واللي مش مقنعين على الانترنت قليلين جدا جدا جدا جدا ..

بس في نفس الوقت الانترنت من خلاله ممكن نكتسب اصدقاء .. وانا شخصياً مكتسب منه اصدقاء .. واصدقاء كويسين جدا كمان ..

الفارق مابين الحياة الواقعية والحياة من خلال الانترنت الافتراضي هوا ان كل انسان في الحياة العادية بيتجسد في الشخصية اللي هوا عايزها ويرسمها قدام الناس من خلال الانترنت .. واعتقد ان دا التفسير السايكولوجي الوحيد لموضوع زي دا

واللي عايز تفسير اكبر لظاهرة الانترنت وتطبيقها على الحياة .. اعتقد ان خير دليل على دا فيلم ماتريكس اللي كلنا عارفينه ..