اقتباس:
المشاركة الأصلية كتبت بواسطة أرق ملاك
السلام عليكم و رحمة الله
كل سنة و الجميع بخير
يارب يكون عيد سعيد على الجميع
ماحدش بقى يمل من موضوع نقاط تفتيش
انا كنت هعمله موضوع منفصل بس قلت نكمله بقى
يمكن حد فينا يفتش فى نفسه ع حاجة من دول
و كل واحد فينا يحل مشكلته
"عاااااااااااااااااالم فاضية" |
اقتباس:
دول بقى اساس انى اكمل الموضوع صراحة
بجد بجد بجد
حاجة بقت تقرف -سورى فى اللفظ-
ناس كده هواية عندها توقع الناس فى بعض
|
اقتباس:
ناس كلمة نمامة كلمة قليلة عليهم
ايه ده
للدرجة دى فى ناس فاضية اوى كده
ييجى واحد يقول لواحد تانى عارف فلان ده بيقول كذا و كذا و كذا
و اصلا الفلان ده فى حاله خالص و مالهوش فى الكلام ده
ييجو بقى يدخلوه فى حكايات و روايات و افلام كده من صنع ناس مريضة اصلا نفسيا
المشكلة الكبيرة ان الناس تكدب و تصدق نفسها و تعيش الكدبة
|
كلامك كله صح
ووالله يا ارق ملاك كل واحد فينا بيتعرض للكلام دة
مش بايدنا
دايما فى حياتنا ناس اولا
فاضية
ثانيا مريضة
ثالثا
عندها نقص
اقتباس:
السؤال بقى
ياترى العيب فى مين فى اللى بيصدق و لا اللى فى حاله
|
والى فى حاله ذنبه أيه؟
اولا الى بيتكلم
ثانيا الى بيصدق
عشان كدة فى الاسلام
الى بيقول النميمة والغيبة والبهتان
والى بيسمعهم
الاتنين فى الاثم سواء
اقتباس:
ياترى اللى فى حاله ده
لازم يدافع ع نفسه
لازم يضيع وقته و يحرق اعصابه عشان يدافع ع نفسه ادام حد المفروض يكون عارفه
|
اخ ليا هنا فى المنتدى فى مرة نصحنى انى مش أدافع عن نفسى فى المواقف الى زى دى
والى عاوز يواجهنى يبقى يجيلى وخلاص
وطلعت غلطان لما خالفت كلامه
لانها حاجة فعلا بتتعب الاعصاب
اقتباس:
و لا خلاص بقى هو اللى اختار
و هو اللى عايز يفهمه غلط
|
لو هو فعلا شخص يستاهل
يبقى لما يسمع حاجة عن صاحبة يروح يقوله انا سامع عنك كلام ومش مصدقه
انما لو صدقة يبقى اصلا مش يستاهل انى أروحله
اقتباس:
هو التانى
ياترى العيب فى مين فينا
فى الطيب و لا الغبى اللى بيصدق كل كلمة
|
أكيد فى الغبى
اقتباس:
يا ترى لو الطيب ده مش دافع عن نفسه هنقول عليه سلبى
طيب ليه هو مطالب انه يحرق اعصابه عشان حاجة مش ليه ذنب فيها
|
هو يفترض عليه يحاول مرة واحدة بس
عشان اعصابه
اقتباس:
طيب يا ترى الناس اللى متعتها توقع بين الناس دى
بتستمتع بايه؟
بتحبو اوى تشوفو الخناقات كتير
و الكره بيكتر
و الحب بيروح
بجد كلمة واحدة هقولها ليكم و سورى بجد
"بلا قرف"
سورى بجد ع الكلمة لكل حد مش فيه الصفة دى بس صراحة مش لاقية وصف اوحش من ده عشان اوصف بيه الناس دى
|
لا فيه صفات أوحش بكتير
دى كلمة قليلة عليهم والله
اقتباس:
بجد
حسبنا الله و نعم الوكيل فيكم
|
اقتباس:
الناس اللى بتحس انها تايهة
و مش لاقية حد ياخد بايدها
ياترى ده بيبقى عيب فينا احنا
و لا فى الجيل اللى اكبر عشام مش واخد بايدنا
و لا فى الدنيا
|
غاليا فى الجيل ألاكبر مننا
مش فايقين لينا خالص
والاهل فى وادى
والاولاد فى وادى تانى
اقتباس:
|
تفتكرو لو رجعنا لديننا هنبقى تايهين
|
لا طبعا
اقتباس:
|
تفتكرو لو رجعنا لمبادءنا هنحس بالتوهان
|
لا
اقتباس:
اوقات كتير بحس انى تايهة
بحس انى مش بقيت عارفة مين صح و مين غلط
ياترى العيب بيبقى فيا
ياترى لما مش ابقى عارفة الغلط فى تصرفى و لا فى حكم المجتمع ع التصرف ده بيبقى الغلط فى مين
|
المهم
فى نظر دينك وبس
اقتباس:
ياترى لما كل يوم نرتكب نفس الغلط
يبقى العيب فى مين؟
|
انتى كدة دخلتى فى موضوع تانى
اقتباس:
ياترى لما نرجع لربنا الصبح
و نيجى بالليل نقول لا
كفاية
مش هنقدر نكمل
يبقى العيب فى مين؟
|
فينا طبعا
اقتباس:
ياترى لما تلاقى جيل كامل -الا من رحم ربى -كل هدفه تقليد اعمى للغرب
و ياريت حاجات مفيدة
بالعكس
بنختار الحاجات الوحشة
و منها
التوهاااااااااااااااان
تفتكرو الحل ايه
نحط اهدافنا ادام عينا و نتحرك ليها؟
و لا نحط ديننا فى قلبنا و نتحرك بيه؟
|
الاتنين مع بعض
اقتباس:
طيب ايه رايكم
تخيلو كده لو قدر واحد فينا يعمل الاتنين
ياترى هيكون تايه؟
|
لا طبعا
اقتباس:
|
"عيب يا ولد .....احترم اللى اكبر منك"
|
اقتباس:
الجيل اللى اكبر مننا -بابا و ماما كده يعنى-
لما يقولو راى
هل المفروض ننفذه بلا مناقشة و بلا تفكير
طيب لو اتناقشنا
و مش اقتنعنا و عايزين نجرب
هل نبقى ناس غير محترمة لاننا مش احترمنا رايهم؟
هل التفكير بيحكمه السن؟
طيب مش ممكن حد فى سننا بس يكون شايف مستقبله كويس
و عارف هو بيعمل ايه
حتى لو استفاد اكيد بخبرات اللى اكبر منه
بس ليه لازم ننفذ و عينينا مغمضة؟
|
مستقبلك جوا قلبك ما تخليش حد يحبطك
اقتباس:
|
سؤالى للجيل اللى اكبر مننا
|
اقتباس:
ليه بتحاسبونا على اننا اصغر من حضراتكم فى السن ؟
"غلطت و اتصلحت ........اعمل ايه تانى؟"
مين فينا ملاك؟
مين فينا مش بيغلط
كبير و صغير
متعلم و جاهل
ملتزم و غير ملتزم
بنت و ولد
هاتو كده حد فيهم مش بيغلط؟
متهيالى مافيش
طيب
مادام الك بيغلط
يبقى مين احسن
اللى يغلط و يغلط و يغلط و هيا هيا نفس الغلطة
و لا اللى يصلح و يتعلم من غلطته؟
هتقولو طبعا اللى يصلح و يتعلم من غلطته
اوك
انا مقتنعة بده تماما
بس هاتولى دليل واحد ع كلامنا
احنا دايما بنقول لازم لما نغلط نصلح الغلط
بس اللى يغلط فينا و يصلح الغلط
بيبقى كانه عمل غلط اكبر
مافيش حد يقول ليه هو يهتم براى الناس
لانه عايش فى مجتمع
هنقول لازم رايه هو فى نفسه و لازم تكون فى ثقة فى النفس
بس برده هو بشر لازم هتيجى لحظة و يضعف و يسمع لكلام الناس
السؤال بقى
ليه بنهد بعض؟
ليه مش بنشجع بعض ع الصح حتى لو كنا بنعمل الغلط؟
ياريت ياريت ياريت
"حب لاخيك ماتحبه لنفسك"
الموضوع طول اوى المرة دى
بجد فى حاجات كتير اوى كنت عايزة اقولها
بس اعذرونى ع الاطالة
و معلش لو كانت طريقتى بايخة المرة دى
كل سنة و انتو طيبين
|
انتى كدة عملتى موضوعين فى موضوع واحد
والحل الوحيد للموضوع التانى هو ان الانسان يكون مخطط لحياته صح
ويعتمد على نفسه
من الاخر
ماحدش بيعيش لحد
ويوم القيامة
كل واحد هيتحاسب عن نفسه
وانتى طيبة
فى امان الله