بسم الله الرحمن الرحيم
السلام عليكم ورحمة الله وبركاته
اذيكم عاملين ايه الحمد لله
سوا هنحاول هنحط ادينا في ايد بعضينا
سوا هنمشي أول خطوة
ولو تعثرنا لا قدر الله هنبدأ تاني
مؤمنين ان من الحجارة ما يتشقق فيخرج منه الماء
وان قطرة الماء تثقب الحجر ليست بقوتها و لكن بالمثابرة
هنحاول ونحاول ونحاول ولاااازم نوصل ان شاء الله
دلوقتي يا جماعة كل واحد يمسك 4 مدخنين
والدك صاحبك خالك عمك استاذك ....
ويتشغل عليهم ليل نهار
في بداية ونهاية كل حوار
يقنعه بانه يقلل من معدل تدخينه
بطريقة ذوق ولذيذة وشيك واحترام وادب الحوار
لازم المواجهة يا جماعة
لازم عشان نحقق هدفنا ان شاء الله نتكلم
اي مدخن في الدنيا نفسه يقلع
واحنا الحمد لله في حملتنا الى فاتت (اذا كان من حقك ان تدخن فمن حقي ان اتنفس هواءا نقيا)
وفرنا معلومات كافية عن طرق الاقلاع والتخلص من التدخين والروابط متوافرة ..
كل هدف النسخة دي من حملتنا اننا بس نقنع كل مدخن انه يقلل من معدل تدخينه الى اربع مرات فقط في اليوم
اوعو حد يفتكر ان 4 مرات يوميا كتييير
عامة لو كل مشترك في حملتنا اشتغل الشهر ده
وايميلات ورسايل موبايل وحوار ونقاش وايه السبب وازاي الحل ....على اربع مدخنين sms
تكون حملتنا حققت هدفها الاكبر
انا مادد ايدي ...مين يشترك معانا ويعاهدني انه يحاول قدر المستطاع تنفيذ خطتنا
مين يضع يديه في ايدينا وايد المدخنين ونمشي كلنا سوا طريق الالف ميل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟