[أحمـدنجـم]

المشاركة الأصلية كتبت بواسطة الرهينه

بالنسبة لموضوع تأثير الاحداث فى الصغر انا مش فاكرة بصراحة اوى غير موقف واحد بس كان موقف مضحك وماتعملتش منه حاجه

وبعد اذن حضرتك ياريت نناقش موضوع التمييز فى المعاملة بين الابناء

ممكن؟

وياريت فعلا الموضوع يتثبت .. موضوع قيم جدا

أختي الكريمة .. انتي حطيتي ايدك على نقطة الموضوع هههه .. التمييز في المعاملة بين الأبناء .. دي مصيبة بيغفل عنها كتير من الآباء والأمهات ..

الطفل الأول بيلقى كل أنواع الاهتمام والتدليل .. (أول ما العين شافت بقى) .. الطفل الثاني .. العملية بتقل شوية .. الطفل الثالث .. بتقل خالص ..

هحكيلكم حاجة .. أمي بصراحة كانت مدلعاني على الآخر هي أصلا - الله يرحمها - شبه (كريمة مختار) بالظبط فلما اتعرض مسلسل (حمادة عزو) حسيت بجد إني كنت زيه بالظبط وهي زي (ماما نونا) وطبعاً كان ليا نصيب الاسد في كل حاجة (الحيلة بقى) بس صدقوني دا كان له تأثير سلبي على حياتي بالذات لما توفت أمي - رحمها الله - حسيت إني مش عارف أعمل أي حاجة في حياتي .. كنت معتمد عليها في حاجات كتير أوي .. أي مشكلة تقابلني كانت بتحلهالي حتى بعد ما اتجوزت وخلفت .. كانت تصحيني الصبح في التليفون بعبارات الدلع المشهورة هههه دلوقتي معدش حد بيدلعني بس بصراحة فين وفين لغاية ما تخلصت من موضوع عدم الاعتماد على النفس دا الدنيا علمتني كتير والحمد لله مبقتش (حمادة عزو) .. فالفعل التمييز بين الأبناء له أثر خطير في شخصياتهم وحياتهم فيما بعد