اقتباس:
المشاركة الأصلية كتبت بواسطة بنت الإسـلام
ان كل واحد يكتب فضل مامته عليه
ويكتبلها تلات رسايل
شكر على....
انك اتجوزتي بابا وجبتيني انا واخواتي 
اعتذار عن....
حاجات كتير اعرفها وماعرفهاش فسامحيني وخلاص 
وعد بـ...........
اني ارضيكي واحاول اسعدك باللي فاضل ف عمري
وده للكل للي مامته حية او متوفية
كنوع من الاعتراف بفضلها
لا لا انا مش هاتكلم الا ف وجود المحامي بتاعي
وتعبير عن مشاعرنا ناحيتها
ربنا يخليكي ليا يااجمل ام في الوجود
وانا كمان
بس مابعرفش اعبر عن مشاعيري 
انا مش هبدأ
مستننية تعليقاتكم بفارغ الصبر |
بعيدا عن كلام مواضيع الانشا اللي فوق دة
(هو طالع حقيقي والله بس هي جت كدة
)
الموقف اللي افتكره لماما دلوقتي ايام الامتحانات بتاعت الثانوية العمية دي
وطبعا حالة التوتر اللي سايدة ع البيت
كل دة خلى ماما يا عيني راجعتلي تقريبا كل المواد
وهي مدرسة عربي اساسا
تصورو بتراجعلي فيزيا
وتقولي طب اهدي وهاتيلي النظري فين
وسهرانين مطبقين طبعا
وهي اما تغفل شوية العياط بقى يشتغل
عااااااا انتى نمتي وسبتيني
تقولي منمتش اهو معاكي
بس كانت بتصعب عليا
ولا منظري وانا ماشية ف الشارع وململمة كمية ورق من هنا ومن هنا
قال يعني هالحق اراجعهم قبل ما ادخل اللجنة
منظري فضيحة يعني
وهي سايباني طبعا هتقولي ايه
ياااااااااه بحبها الست دي اوي
فيه كدة