اقتباس:
المشاركة الأصلية كتبت بواسطة نجم المشاعر
ولكن ما أسباب ذلك العقوق؟
اسباب ذلك العقوق ترجع للوالدين والتطرف في معاملة الاولاد
يعني لما الاب يكون بيدلع ابه او بنته وامره مجاب واي حاجة عايزها ياخدها وحاسس انه مفيش اي حاجه اسمها ممنوع عنده هيكبر علي كدا ومطالبه هتكبر معاه ويوم ما تبقي مطالبه اكبر من قدرة الوالدين يبدأ يظهر العقوق لانه عمره ما عرف كلمة لا دي ومينفعش من وجهة نظره لما يكبر ويبقي راجل انه يترفضله طلب وساعتها بقي يبدأ مرحلة العقوق وساعتها هيتحول الدلع للولد دا لخوف عليه ومنه لانهم هيخافو علي زعله وهيخافه من زعله
وعلي النقيض لما الطفل يكبر علي انه منتقد دايما وكل حاجة لا هيبدأ يتكون جواه نوع من الكره الغير إرادي وكل لما يكبر ويشوف اصدقائه واقاربه وطريقة تعامل اهلهم معاهم هيبقي عايز يعمل زيهم ولما هيجي اليوم اللي يحس انه يقدر ياخد اللي هو محروم منه بالعافيه هياخده
دا غير طبعا ان كما تدين تدان يعني لو الاب او الام كانوا بيعوقوا اهلهم لازم تتردلهم
وغير كمان الاعلام والافلام اللي بتيجي وبتبين العقوق في صورة كوميدية علي سبيل المثال وليس الحصر احمد حلمي في فيلم كده رضا في شخصية البرنس
أصابع الاتهام إلى من تشير؟
الي الاهل والتربية بكل انواعه ومنهم الاعلام
هل سوء معاملة الأبناء في الصغر له علاقة ؟
ايوه طبعا زي ما قلت فوق
وهل هذا ينفي المسئولية عن الابن العاق؟
بالتأكيد لا لان الابن العاق اكيد بيكون عارف وواعي هو بيعمل ايه وعارف الصح من الغلط وعارف ان اللي بيعلمه دا غلط بس هو بيعمله كانوع من تفريغ شحنة الغضب
هل بالفعل الأب العاق بأبيه أو الأم العاقة بأهلها ينشء أولادهما في عقوق لهما ؟
كما تدين تدان وزي ما عمله هيتعمل فيهم
فما ذنب الأولاد في ذلك ولماذا يعاقبون هم على العقوق أيضاً طالما أن عقوقهم نتيجة لعقوق آبائهم لآباء آبائهم ؟
هو مش زنب الاولاد علي قد ماهو عقاب من ربنا للآباء في الدنيا
|
وجزاك الله كل خير علي الموضوع الجميل
