السلام عليكم ورحمة الله وبركاته
طبعا كلنا عارفين حدث الساعة وختام 2008
ختامها مسك بجد
وهو الحذاء الذهبي والجون الي اخده الحاج بوش في المؤتمر الصحفي
وزي ما بيقولوا:
" بوش والجزمة(فردة جزمة عملت ازمة )"
يا ترا ايه رايكم في الي حصل ؟؟؟
وهل لو انت مكان المالكي كنت هتحوش الشوز عن بوش ؟؟
شوفوا كدا الصورة دي 
المالكي حاول انقاذ بوش من القذف بالحذاء
انا عارفة الكل هيقول ايه العبيطة دي
اكيد دا راجل شجاع
ايوا هو شجاع وبطل وجاب من الآخر بجد
بس هل لو انت مكانه هتعمل كدا ؟؟
ولا هتستنى الانسان الشجاع الي يعمل كدا ؟؟؟
وكعادتنا نستنى الدعوة لما تبقى عامة عشان تبقى لمة ؟؟؟
ونطلع بقى كلنا نقول دا انسان شجاع ونهتف باقوى العبارات عشانه ؟؟؟
يا ترا احنا محتاجين كام منتظر زيدي ؟؟؟
واخيراً
احب اقدم خالص أسفي للحذاء انه قابل بوش وجها لوجه ...
تسدأوا صعبان عليا منتظر ... الراجل طلع يمشي حافي.. جرجروه وهو حافي
...
مستنية ردودكم وتعليقاتكم