ازيكم يا جماعه يا رب تكونوا بخير دايما
واللى بيذاكر زيى كده ربنا يوفقه
واللى عنده امتحانات فى الكليه
ربنا معاه
ندخل بقى فى الموضوع وهو طبعا باين من العنوان
الرحمه
اكيد طبعا كلنا عارفين ان الرحمة شىء جميل اوى
ده مفيهوش كلام
بس المشكله بقى لما نكون فى موقف محير
واحنا مش عارفين نعمل ايه
نعمل الواجب الللى مفروض نعمله ولا نرحم اللى قدمنا
اكيد كلنا سمعنا عن موضوع سواق التوك توك
اللى عمل مخالفة ولما العسكرى شافه صمم انه باخد التوك توك منه
فالراجل فضل يتوسل ليه انه يرحمه لان ده مصدر رزقه الوحيد
ويبكى بالدموع
..........................
والعسكرى مصمم على انه ياخد التوك توك منه وبعد توسلات ومحاولات كتيرة من السواق
السواق قاله هولع فى نفسى
قاله
ولع
وفعلا ولع فى نفسه دلق الجاز وولع
انا بقى من ساعتها محتارة اوى
يا ترى الضابط ده غلط
؟
يا ترى كان مفروض انه يرحم الرتجل الغلبان ده
؟
يا ترى انا لو مكانه كنت هقوله ولع فى نفسك برضه
؟
يا ترى ممكن نتخلى عن واجبنا عشان نساعد حد
؟
وارجع اقول مفروض كان يرحمه يعنى هى جات على الراجل الغلبان ده اصله لو كان معاه فلوس كان ادى له عشان يشيل عنه المخالفه
منتظرة تعليقاتكم